\^"ir Wentzlauw von Gots gnaden Remischer kunig zu allen zyten merer des richs vnd kunig zu Beheim, entbie- then allen fursten, graven, fryen, dienstluden, rittern, knech- ten, mannen, burgmannen, steten, merkten, den dumherrn vnd aller pfaffheit vnd allen andern luten, geistlichen vnd werentlichen, die zu dem bisthum vnd stiffte zu Spire gehoren vnd sunderlichen den burgermeistern. reten vnd burgern der stad zu Spire, vnsseru vnd des richs liebeu. getruwen vns

1386 juni 29.

sere gnade vnd alles gut. Lieben, getruwen! Wir haben dem erwirdigen Niclause bischoffe zu Spire, vnsserme vnd deg richs fursten vnd lieben andechtigen verliehen sine regalia vnd werentlichkeit, furstentum, gerichte, czelle, lehen vnd wirdekeit, als eime bischoffe zu Spire von dem riche zuge- horet vnd hat er vns als eime Remischen kunige darumb truwe vnd huldunge getan als gewenlichen vnd billichen ist einem Remischen kunige vnd dem riche davon zu tun. He- rumb heissen vnd gebiethen wir uch vnd allen iechlichen besunder by vnssern vnd des richs hulden, daz ir den ege- nannt IV . . vnssern fursten entphahen, haben vnd halten sollet vnd yme gehorsam sin vnd gewarthen mit mannschaf- ten vnd auch mit lehenschafften, schlossen, landen vnd lu- ten. vndertenikeiten vnd ane allen andern sachen, geistli- chen vnd werntlichen, als eime rechte bischofie von Spire vnd als eime rechten herrn vnd nyemanden anders, als lieb uch sy vnsser vnd des riches swerliche yngnade vnd pene des rechten zu vermeinynde, mit vrkunde diess briefes versie- gelt mit vnsserm kunigklichen maiestet ingesiegel. Geben zu Prage nach Crists geburte druzehen hundert jare vnd dar- nach in dem sechs vnd achtzigsten jare an sant Peters vnd sant Pauletag vnssers richs des Beheimischen in dem vier vnd zwentzigsten vnd desRemischen in dem zehenden jare.