w ir Haneman grave zu Zweyebrncken vnd herre zu Bit- sche, dun kunt allen luten die diesen briefl sehent oder ho- rent lesen. daz wir haben angesehen besondere liebe, truwe

1364 juli 24.

vnd freundschaft. die wir haben zu dem erwirdigen herrn. herrn Eberhart! von Randeck, erweltem bisehofi zu Spier, vnd haben verziegen vnd verziehen auch vor vns, alle vnsei e erben vnd nachkommen mit krafft ditz gegenwirtigen brieffs. vff alle forderunge vnd ansprache, die wir bitz her gehabt hant vnd haben mochten, an die ersamen, wisen lute, die burgermeister, den radt vnd die burger gemeynlichen der stadt Landauwe, warumb das ist, oder gesin mochte bitz vff dissem heutigen dag, als dieser brieff geben ist vnd sonderlich vmb so gethan sache vorderung vnd ansprach, als wir ge- habet mochten haben an sie von der gescheffte wegen, als vnser broder Symondt genannt Wecker, der von Landauwe frunde ytz nyeder geworffen vnd gefangen hat, vnd tun darumb einen gantzen, lutern verzieg vmb alle sache vnd stuck, als vorgeschrieben ist. Vnd darumb zu vrkunde aller vorgeschrieben dinge, habent wir vnser ingesiegel gehencket an diesen brieff. Der geben ist an sant Jakobes abent des zwolffbotten in dem jare do man zalte nach Cristus geburte druzehen hundert sechzig vnd vier jare.