W ir Karl von Gots gnaden Romischer keyser zu allen zyten merer des riches vnd kunig zu Beheim, bekennen vnd tun kunt offenthch mit diesem brief allen den, die yn sehen oder horen lesen, daz der erwirdige Lambrecht, bischoff zu Spire, vnser lieber furste vnd andechtiger, dem ersamen tumdechant des stifts zu Spire czehn tusent gulden schulde von sinen wegen vnd acht tusent gulden von schulde we- gen des erwirdigen etwann Gerharts, bischof zu Spire vnd die des capitels amptlute gemacht haben, sicher machen, ehe derselbe tumdechant dem egenannten bischoff die slozz vnd das bistum einantwort nach lute vnd sage vnser keiserli- chen briefe. die wir demselben bischoff vnd dem egenann- ten tumdechant vmb ir richtigtmg haben geben. Also wie

830 1365 januar 23.

balde vnd schne die vorgeschrieben sicherhet geschicht, daz sie vff bede teil vnverzogenlichen tun sullen, so sol der tumdechant dem egenannten bischof das bistum vnd die vesten vnverzogenlichen eingeben, als vnser brief sagen. Mit vrkunde ditz brieves versiegelt mit vnserm keiserlichen insiegel der geben ist zu Prag nach Crists geburte do man zalt druzehnhundert jar darnach in dem funff vnd sechtzig- sten jare am nechsten donerstage nach sant Agneten tag vnserer riche in dem nuntzenden vnd des keiserthums in dem czenden jare. Per dominum imperatorem, Rudolphus de Friedeberg.