Nos Rudolfus Dei gracia comes palatinus Reni, dux Ba- varie. Notum facimus presentis inspectoribus universis, quod domino abbati, fratribus et cenobio in Hemmenrode, ordinis Cisterciensis, ob reverenciam beate et gloriose virginis Marie et ob salutem anime nostre ac progenitorum nostrorum hanc graciam duximus faciendam, ut quidquid magister Novecurie ipsum cenobium respicientis, vini, frumenti, lignorum et alio- rum victualium ac rerum eos et non alios respiciencium, que sine capcione de crementis et redditibus suis et non aliunde habuerunt, prout eciam idem magister iuramento sub obe- diencia ordinis sui declarabit, in Reno deorsum transvexe- rit, sub nostro conductu ducatur et in Husen, Manheim, Furstenberg et Bacheraco sine exactione theolonei seu con- ductus, nec non denariorum, qui chauppen phenningen vo- cantur, transvehatur perpetuo libere et solute. Quidquid eciam in sale vel aliis victualibus, quibus pro usibus suis in dicta Novacuria indiguerint, in Reno sursum advexerint, in vectura illorum sub premissa forma gaudebunt similiter gra- cia antedicta. Et si prelibata theolonea per obligacionem seu modum alium alienacionis ad mauus aliorum pro tem- pore devolvi contigerit, hoc memoratis domino abbati et cenobio in huiusmodi gracia nullum preiudicium generabit. In cuius rei testimonium presentes damus sigilli nostri robore communitas. Datum in Norenberg, anno Domini MCCXCIIII. VI. idus maii.