Pilleus miseratione divina sanctae Praxedis presbyter car- dinalis ad infrascripta apostolica auctoritate suffultus. Di- lectis nobis in Christo magistris civium ac consulibus civi- tatis Spirensis salutem in Domino. Devotionis vestrae sin- ceritas promeretur, ut votis vestris in hiis praesertim, quae ad augmentum cultus divini cedere valeant, quantum cum Deo possumus, favorabiliter annuamus. Vestris itaque sup- plicationibus inclinati, auctoritate apostolica, qua fungimur, tenore praesentium indulgemus, quod non obstantibus inter- dicti sententiis apostolica seu quavis alia auctoritate ad civitatem Spirensem positis vel ponendis, in hospitali sancti Georgii Spirensis divina officia clausis januis celebrari va- leant, excommunicatis et interdictis nominatim exclusis et mandatis apostolicis praesentibus duntaxat admissis. Nulli ergo omnino hominum liceat hanc paginam nostri indulti in- fringere vel ei ausu temerario contraire. Si quis autem hoc attemptare praesumpserit, indignationem omnipotentis Dei et beatorum Petri et Pauli, apostolorum ejus, se noverit incur- surum. Datum Wormatiae, quarto kal. septembris, pontitl- catus sanctissimi in Christo patris et domini nostri, domini Urbani divina providentia papae sexti anno secundo.