In nomine sancte et individue Trinitatis. Fridericus Dei gracia episcopus Spirensis. Quanti sit meriti apud Deum hospitalita- tis opera misericorditer exercere, utriusque testamenti evi- denter ostenditur testimoniis et exemplis. Quippe non solum, ut in Genesi legitur, hospitalitatis amatores angelos recipere meruerunt, verum et ut evangelica tradit historia, hospitali- tatis pietas suorum cultorum hospiciis angelorum dominum introduxit. Magnam itaque hospitalitatis graciam acceptam facere altissimo et hominibus fructuosam, dilecti in Christo, Petrus prepositus, Alexander decanus, totumque capitulum nostre ecclesie Spirensis provide attendentes, super hospita- litate a prelatis, officiatis et canonicis eiusdem ecclesie in perpetuum observanda, statuerunt unanimiter in hec verba: In nomine Domini, amen. Cum secundum sacros canones ad servandam hospitalitatem precipue clerici teneantur, et prop- ter pietatis et hospitalitatis opera presentis vite subsidia et eterne claritatis premia a Domino promittantur, ideoque lau- dabiliter exemplo Abrahe et Loth moniti, qui per hospita- litatis opera Deo placere et angelos suo hospicio recipere

1281 iuni 11. 369

meruerunt, honestatem et laudabilem statum tam ecclesie Spirensis, quam canonicorum ibidem salubriter attendentes, nos Petrus prepositus, Alexander decanus, totuinque capitu- lum Spirensis ecclesie predicte, pro nobis et nostris succes- soribus, qui in ecclesia Spirensi recepti fuerint in canonicos et fratres, communi et provida deliberacione prehabita, prtj- senti scripto statuimus, volumus, disponimus et ordinamus, ut tam prelati, quam archidiaconi, sive prepositi aliarum ec- clesiarum Spirensium et generaliter omnes alii ofliciati ec- clesie nostre Spirensis, videlicet scolasticus, cantor, custos. cellerarius et portenarius, tam presentes, quam posteri, qui in civitate Spirensi presentes fuerint et in plena et libera suarum prebendarum exstiterint percepcione, non obstante, si forsan redditus prebendarum suarum vendiderint seu eciam obligaverint, a festo beati Martini anni ab incarnacione Do- mini millesimi ducentesimi octogesimi secundi deinceps pre- cise, omni occasione postposita, in civitate Spirensi domi- cilia teneant, hospitalitatem servent, expensas in suis domi- bus faciant, unusquisque prout sue honestati congruit et sibi videbitur expedire. Idem et de aliis canonicis nostre eccle- sie, qui vicesimum quintum etatis sue annum transegerint et in plena et iibera prebendarum suarum fuerint percepcioae, non obstante similiter, si forte redditus prebendarum suarum distraxerint seu et obligaverint, ordinamus, disponimus et statuimus observandum. Sane siquidem aliqui de prelatis seu officiatis predictis vel de canonicis eisdem domicilia te- nentes et in suis domibus expensas proprias facientes, quos- dam ex aliis canonicis domicilia tenere nolentes vel non valentes ad mensam ipsorum recipere voluerint, hoc eis fa- cere licebit gratis et pro nullo precio vel salario constituto vel constituendo, certo vcl incerto, et omni spe aliquid ex hoc percipiendi sublata. lloc excepto duntaxat, quod taliter ad mensam aliorum recepti vinum, quod in mensa bibitur, pro qualibet vice persolvere potuerint, fraude tamen et dolo in hiis penitus circumscriptis. 1'reterea statuimus et ordina- mus, ut nullus talium canonicorum, qui secundum formam sta- tuti predicfi domicilia et hospitalitates per se tenere recu- saverint, apud quemque ex vicariis ecclesie nostre expensas faciat vel ad mensam ipsius gratis accedat, sed omnino et precise unusquisque eorum aut per se domicilium teneat, aut ad mensam alterius prelati, ofliciati vel canonici, qui ipsum recipere velit gratis, accedat, ut superius est statutum. Si

Rtuling's Urkundenbucb. 24

370 1281 iuni 11.

vero duo canonici in una domo se recipere et communes expensas facere voluerint, hoc eis non obstante statuto nos- tro predicto licebit, dummodo et in huiusmodi expensis com- muniter faciendis fraus et dolus cvitentur. Et ut hoc nos- trum statutum, propter honestatem ct decorem ecclesie nostre tam provide editum atque factum, robur debitum obtineat ac perpetuam firmitatem, ad id a nobis et nostris successoribus inviolabiliter observandum, fide et iuramento a nobis cor- poraliter prestitis, nos et nostros successores predictos ad- stringimus ac eciam obligamus volentes, ut idem statutum inter alia ecclesie nostre statuta communicetur ac eciam conscribatur, ipsius violatores seu transgressores fidei vio- lacionem periurii penam ac infamie notam ipso facto incidant. In quorum omnium evidenciam sigillum capituli nostri pre- sentibus duxunus apponendum. Actum in generali capitulo nostro, anno Domini MCCLXXXI. feria sexta ante festum penthecosies. Nos quoque predictorum Petri prepositi, Ale- xandri decani et tocius capituli ecclesie nostre Spirensis pre- dicte precibus annuentes universa et singula supradicta, prout de nostro scitu, consilio et consensu provide et salubriter sunt statuta, matura deliberacione prehabita, auctoritate nos- tra in nomine Domini presentibus confirmamus. Ut autem nec nostra confirmacio robur obtineat perpetue firmitatis, sigillum nostrum in testimonium omnium prescriptorum ap- pendi fecimus ad presentes. Datum feria quarta post octa- vam penthecostes, anno Domini MCCLXXXI.