R ichardus Dei gracia Romanorum rex semper augustus, universis sacri imperii Romani fidelibus ad quos litere iste pervenerint, graciam suam et omne bonum. Sincera dilectio, quam ad dilectum principem nostrum, venerabilem Heinricum Spirensem episcopum suis exigentibus meritis gerimus, nos in- ducit, ut eius personam ob honorem regis regum et reve- renciam intemerate virginis, cuius idem episcopus in Spirensi ecclesia existit vicarius, nos delectet condignis honoribus exaltare, exaltatam uberioribus beneficiis iuxta precedencium nos dive memorie regum et imperatorum exempla sic attol- lere, quod ipsius donacio in respectu retribucionis et meriti ceteros ad obsequendum nostrum et zelum imperii fervencius moneat et inducat. Sane recolentes altissimo placitu Spi- rensem ecclesiam, pro nostro anniversario annis ibidem sin- gulis celebrando et ob dilectionem dicti episcopi speciali respicere gracia ecclesiam de Haselach, Spirensis diocesis, cuius ecclesie patronatus ad nos pertinet, dicte Spirensi ec- clesie, memorato episcopo suisque successoribus cum iure patronatus, sicut ad nos et imperium pertinet, regia libera- litate conferimus presencium testimonio literarum, volentes, ut prefatus episcopus dictam ecclesiam possideat et possesse proventus percipiat, hac collacione nostra divino motu et' liberalitate regia facta ad sepedicti episcopi, successorumque successores perpetui temporis valitura. In cuius rei testi- monium sigilli nostri impressione has literas nostras duxi- mus roborandas. Datum Moguncie, primo die octobris, in- dictione quarta, anno Domini millesimo ducentesimo sexa- gesimo, regni vero nostri anno quarto.