In nomine Domini, amen. Syboto Dei gratia Spirensis epis- copus totumque capitulum ecclesiae ejusdem. Bonae rei dare consultum et praesentis vitae habere subsidium et aeternae remunerationis exspectare cernimur praemium. Hinc est, quod nos considerantes bonum statutum ecclesiae nostrae et fu- turae pacis tranquillitatem hucusque frequentius per cives Spirenses perturbatum ac perturbatam ac magis posse et frequentius ac efficatius perturbari, si aliquis clericus de dicta civitate oriundus ad aliquem canonicatum vel dignita- tem in ecclesia nostra reciperetur vel promoveretur, provida deliberatione statuimus, firmamus et inviolabiliter ordinamus, sub virtute et debito praestiti a nobis omnibus et singulis juramenti, quod de caetero nullus clericus de praedicta civi- tate oriundus et nominatim ne magister Nicolaus Bernhohi nuncupatus, canonicus ecclesiae sancti Germaui extra muros

1309 februar 5. 461

Spirenses, ad aliquem canonicatum vel dignitatem in eccle- sia nostra Spirensi per nos vel nostros successores recipia- tur vel etiam admittatur, nec aliquis nostrum vel successo- rum nostrorum preces vel instantias super talibus recipiendis vel admittendis faciat vel ad eorum ullo modo laboret pro- motionem super hujusmodi canonicatibus et dignitatibus as- signandis. Ymmo, quod plus est, si quas preces, instantias vel mandata a quocunque vel quibuscunque recipere forsitan nos contingeret, super talium receptionem vel promotionem ad canonicatus et dignitates, ut est dictum, nos omnibus vi- ribus, labore, studio et diligentia opponere nos debebimus et tenebimur pro posse et nosse. Et hoc promittimus om- nes et singulariter singuli sub poena praestiti juramenti, quemadmodum supra dictum est per praesentes. Volumus etiam, statuimus et ordinamus, ut hoc salubre statutum, sicut et alia statuta et consuetudines ecrlesiae nostrae per nos et successores juretur inviolabiliter observandum. In cujus rei testimonium et perpetuam rei memoriam sigilla nostra prae- sentibus sunt appensa. Actum et datum anno Domini mil- lesimo trecentesimo nono, in die beatae Agathae virginis et martyris.