Carolus Dei gratia Romanorum rex semper augustus et Bohemiae rex, universis sacri imperii fidelibus gratiam suam et omne bonum. Digne agere credimus, si subjectorum commodis prospicimus et quieti. Eapropter notum sit uni- versis, quod nos ob preces et merita venerabilis Gerhardi, electi, confirmati ecclesiae Spirensis, principis et devoti nostri dilecti, gratiam sibi volentes facere specialem, eccle- siae Spirensi et suis in ea successoribus de regali benigni- tate, ex certa scientia praesenti pagina gratiose concedimus et indulgemus, ut deinceps nullus rusticus seu de rustico genere natus, ecclesiae Spirensi subjectus et in ejus distnctu

572 1349 april 2.

habitans, per literas, nuntios vel edicta in causis civilibus et pecuniariis ad judicium imperiale seu advocati vel offi- ciati nostri provincialis vel ejus ministri seu ministrorum trahi possit vel evocari, nec vocatus venire, nec, si venerit, ibidem respondere cogatur, quamdiu in loco habitationis suae et coram suo ibidem judice paratus fuerit de justitia competentibus, cessante quolibet subterfugio, respondere. Nulli ergo omnino hominum liceat, hanc paginam et in ea contenta violare et infringere vel ei ausu temerario contraire. Quod si quis fecerit, poenam juris incurrat eo ipso. In quo- rum evidentiam et memoriam sempiternam literas praesentes nostri sigilli munimine fecimus roborari. Datum Spirae, anno Domini millesimo trecentesimo quadragesimo nono, indictione secunda, quarto nonas aprihs, regnorum nostrorum anno tertio.