Wir Emich von Gots gnaden ein bischof zu Spire, tun kunt allen den, die diesen .brief sehent oder horent lesen, daz wir durch geneme dienste, den vns vnd vnserm stift vnser getruwe ritter Arnolt von Engassen, getan hat vnd noch getun mag, im sin burglehen gemeret han, mit sechs pfunt heller geldes vnd han im die bewiset vff vnserm klei- nen zehenden zu Venyngen, daz er die alle jare, do nemen sole. Vnd es sollen noch wir noch vnser amptlute, noch je- mand vzicht do von neme oder ungrife biz derselb ritter die sechs pfunt gentzlich vor ab geneme. Dwanne auch wir oder vnser nachkommen bischofe zu Spire, die sechs pfund gelts mit sechzig pfunt hellern gelosen, so sullen sie ledig wider an uns vnd an vnsern stift vallen. Vnd dar vmb zu einem vrkunt geben wir disen brief besiegelt mit vnserm insigel. Datum et actum anno Domini millesimo trecente- simo decimo octavo, sabbato ante palmarum.