In nomine Christi amen. Nos Mesco, d. g. dux de Opol, notum facimus hanc literam inspecturis, quod ob reverenciam beati Johannis et honorem ecclesie Wrat., consideratis eciam serviciis et meritis venerabilis patris nostri, dom. Thome, Wrat. episcopi, possessionibus beati Johannis in nostro ducatu constitutis, videlicet Vyasd et Goscencino et Stinauia, que fuit quondam comitis Sbrozlai, hanc concessimus libertatem, nostris et nostrorum successorum temporibus observandam, ut, si ea pedicio facienda fuerit ea tra terminos nostri ducatus, homines dictarum villarum ad expedicionem venire non teneantur sed, cum alii profecti fuerint, usque ad reditum ipsorum homines de Vyasd teneantur nobis dare quatuor competenter armatos, qui sedeant in castri alicujus nostri ducatus in propriis expensis; de villa eciam Goscencino teneantur nobis dare tres; tres eciam de Stinauia sub eodem tenore. Si vero expedicio fuerit contra terram nostram, homines dictarum villarum ad defensionem terre nostre sicut et ceteri teneantur. Statuimus eciam, ut si quando communis collecta a tota terra pro nostris necessitatibus vel nostrorum successorum fuerit facienda, dicti homines ab ipsa sint inmunes, sed in beneplacito erit dom. Wrat. episcopi, vel ab ipsis accipere quod sibi visum fuerit, vel ipsis parcere secundum sue arbitrium voluntatis. Concedimus hoc eciam Wrat. episcopo inperpetuum, ut si forte vel aurifodine vel argentifodine usquam in ducatu nostro in eodem episcopatu conparuerint vel vene eciam alicujus alterius metalli vel fontes salis inventi fuerint decima utilitatis inde provenientis eidem et ecclesie sue sine aliqua diminucione debeat pertinere. Jurisdicionem autem in hominibus villarum predictarum sicut in minoribus causis ita eciam in capitalibus volumus ut idem episcopus liberam habeat, indulgentes, ut de penis ex judicio provenientibus nichil a predictis hominibus suis nostro nomine vel baronum nostrorum vel eorum, qui aliqua a nobis habent beneficia, aliquid exigatur. Datum anno domini MCCXL primo, presentibus istis, Nicolao castellano de Cozli, Laurencio, Ottone, Paulo, ...