Innocentius episcopus servus servorum Dei dilectis filiis abbati et convenui monasterii heremitarum ordinis Sancti Benedicti Constantiensis diocesis , salutem et apostolicam benedictionem. Interne super eo circa vos compassionis affectu ducimur quod humilitas vestra per impios hostes ecclesie multipliciter tribulatur et inferuntur vobis dampna gravia pro quibus vestrum monasterium nimis in bonis temporalibus est exhaustum. Cum itaque venerabilis frater noster Constantiniensis episcopus et dilectus filius abbas Sancti Galli vestris angustiis condolentes apostolicam gratiam pro vobis dixerint implorandam nos ipsorum optentu ac vestrorum laudabilium intuitu meritorum vobis auctoritate presentium indulgemus ut ad receptionem vel provisionem alicujus in pensionibus vel ecclesiasticis beneficiis per litteras a Sede Apostolica seu legatis ejusdem optentas vel etiam optinendas nisi forte per eas sit vis alicui specialiter acquisitum non possitis absque nostro mandato compelli quod de indulgentia hujusmodi et tenore ipsius de verbo ad verbum ac de numero et nominibus eorum qui nostra et predictorum legatorum auctoritate sunt a vobis beneficia consecuti plenam et expressam fecerit mentionem .Nulli ergo omnino hominum liceat hanc paginam nostre concessionis infringere vel ei ausu temerario contraire. Siquis autem hoc attemptare/adtemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum. Datum (apud) Lugdunum X (decimo) Kalendas Junii , Pontificatus nostri Anno septimo.