Allen, die disen brief ansehent, lesent oder ho^erent lesen, kúnden vnd veriehen wir Eglolf der Blarrer vnd Johans an dem || Margt pfleger des Spitals ze sant Gallen¹ fur v´ns vnd fur alle v´nser nahkomen, das wir Růdolf dem Boke vnd allen sinen || kinden gelihen haben den akker, der an sin gůt stosset vnd vor males vnd ê hort ze dem houe ze Aicha², ze ainem rehten erblehen || vmb ainen sta|ten zins, das er vnd sin erben dem vorgenemten spital aller ia^erlich ahtzehen pfenning Kostentzer múnse ze sant Gallen tag dauon ze zinse geben son. Vnd sol er vnd ouch sine^a) erben die hege vnd die graben des selben akkers machan, das es dem houe ze Aicha vnschaidlich sie, wa^er aber, das er vnd sin erben das nút ta^etin, so son sú dem vorgenemten spital besseran, als ir nahgebûr zimlich vnd reht dunket. Vnd ze ainem waren vrkúnde vnd ze ainer staitun sicherhait der selben dinge henken wir des vorgeschriben spitals insigel an disen brief. Dis geschah vnd wart dirre brief geben ze sant Gallen, do man zalt von gottes geburt drúzehenhundert jâr, darnah in dem drúvnd-drissegosten jâr, an sant Gallen tage.

Source Fulltext: Chartularium Sangallense VI, Nr. 3528, S. 173.