Ich Eglolff von Roschach¹ ritter kúnde vnd vergih offenlich mit vrkúnd dis brieffs, das fúr mich kam fro^vw || Elisabet vom Stain² Berhtoltz dez Kesslers von Ostra^vch³ elich wirtenne vnd offenot vor mir, si hett ain || zehenden ze Goldach⁴ von mir ze lehen, den selben zehenden hab si Herman von Husen⁵ fúr sich vnd ir^a) erben im || vnd sinen erben ze ainem rehten redlichen ewigen ko^vff ze ko^vffen geben mit allen rehten vnd nútzen, so dar in vnd dar zů geho^erent, vmb ahtzehen pfunt pfenning gůter Cost(entzer) múns vnd wa^er der gar vnd ga^entzlichen von im gewert vnd hett daz gelt an iren nutz bekert vnd bewent, vnd dar vmb bat si mich ernstlichen, das ich den selben zehenden das lehen von ir vff neme an min hant vnd es lihe Herman von Husen, vnd bat mich, so es ze schulden ka^em, daz ich es Hermans von Husen erben lihe ze rehtem lehen frowen als mannen, vnd entzeh sich fúr sich selb vnd ir erben aller reht aller ansprach aller gewer aller kuntschaft lút vnd brieff, die si an dehainen stetten iemer gewinnen kundint vnd mo^ehtint gen dem selben Herman von Husen vnd gen sinen erben an gaistlichen vnd weltlichen gerihten vnd an allen stetten a^vn geuerde, vnd bat mich inen des min brieff geben. Do erhort ich ir bett vnd nam das selb lehen von ir vf an min hant den zehenden ze Goldach vnd ha^vn den gelihen Herman von Husen, wie reht lehen ze lihen ist vnd als craft vnd maht haben sol vnd nach sitt vnd gewonhait dez landes, ich vnd min erben, ob ich enwere, so^vnt dez selben Hermans von Husen vnd siner erben gena^edig willig lehen herren sin tohtren als súnen frowen als manne, so es ze schulden kunt. Dez ze vrkúnd henk ich herr Eglolff von Roschach ritter min aigen insigel fúr mich vnd min erben an disen brieff. Der geben ist ze Rinegg⁶ am nehsten fritag nach dez haiigen crútz tag in dem maigen, do man von Cristus gebúrt zalt drúzehenhundert iar vnd da na^vch in dem sybentzgosten iare.

Source Fulltext: Chartularium Sangallense VIII, Nr. 5222, S. 408-409.