Allen^a) den, die disen brief ansehent lesent oder ho^erent lesen, kúnd ich Johans der Entziswiller burger ze sant Gallen vnd vergich des offenlich mit disem brieue fúr mich fúr alle || min erben vnd nachkomen, daz ich mit gůter vorbetrahtung verko^vft han vnd ze ko^vffenn geben han reht vnd redlich dem erbern vnd wolbeschaiden Johansen dem Múnser o^vch bur||ger ze sant Gallen vnd sinen erben, ob er enwa^er, daz hûs vnd hofstat gelegen in der stat ze sant Gallen, daz ainhalb sto^vsset an min hûs vnd anderthalb an Wa^eltis Cristans || hus von Vônbol¹, mit allen rehten vnd mit aller zů geho^erde vnd sunderbar mit den rehten, als hie nachgeschriben stat an disem brief, vmb zwainzig pfunt pfenning gůter vnd genger Costentzer múnse, der ich gantzlich vnd gar von im gewert bin vnd enpfangen hân vnd an minen gůten nutz bekêrt, mit so^elicher beschaidenhait vnd mit dem rehten, daz die grůb, die hinnen in dem vorgeschribenen hûs stât, geho^eren sol zů dem selben hûs vnd zů minem hûs vnd zů dez vorgenemten Wa^eltis Cristans hûs, vnd daz ich vnd der selb Wa^elti Cristans vnd v´nser erben, ob wir enwa^erint, vnd alle die, in der hant vnd gewalt dann die vorgeschribenen húser ka^emint, gewalt hant vnd reht darzů haben sond, v´ber die vorgeschribenen grůb ze ga^enne aines gadmes hôch ob der erde, vnd wenn oder welhes jares die selb grůb nôtdurftig ist ze rumenn oder ze bessrenn, dez sol der vorgenemt Wa^elti Cristans vnd sin erben, ob er enwa^er, vnd alle die, in der hant vnd gewalt dann daz selb sin hus ka^emi, zwên tail schaden han, vnd sol der vorgenemt Johans der Múnser vnd ich vnd v´nser erben, ob wir enwa^erint, vnd alle die, in der hant dann die vorgeschribenen v´nserú húser ka^emint, ietwedre von sinem hûs ainen vierdentail schaden hân, vnd wenn oder wie dik es nôtdurftig ist, die vorgeschribenen grůb ze rumenn, darzů súllent wir vnd alle v´nser erben vnd nâchkomen durch des vorgenemten Johansen dez Múnsers hûs weg hân, darzů vergich ich o^vch, daz ich dem vorgenemten Johansen dem Múnser daz vorgeschriben hûs vnd hofstat ze ko^vffenn geben han mit dem rehten, daz ich noch der vorgenemt Wa^elti Cristans noch kain v´nser erben noch nâchkomen enhain reht hant noch haben sond vnnan bi der erde in dez vorgenemten Johansen dez Múnsers hûs aines gadmes hôch, als wît ez ist, won allain in der grůb, als vorgeschriben stât. Ich han o^vch dem vorgenemten Johansen dem Múnser daz vorgeschriben hûs vnd hofstat ze ko^vffenn geben mit dem rehten, daz daz ander gadem, daz obrenthalb dem nidrosten gadem ob der vorgeschribenen grůb sta^et, geho^eren sol vnd ho^ert gemainlich zů den vorgeschribenen drin húsern, also daz der selben húser iekliches besunder in dem selben gadem ainen stůl v´ber die vorgeschribenen grůb mit ainem túchel in die selben grůb machen vnd haben sont, vnd daz o^vch der selben stu^el iekliche gesúndert vnd vnderschlagen sin sol, daz enhaines daz ander sehen mug, vnd o^vch mit dem rehten, daz daz gadem, daz aller na^ehst obrenthalb dem gemainen gadem stat, da die selben drige stu^el inne stânt, mich vnd alle min erben vnd nâchkomen besunder an ho^ert vnd v´nser ainig ist, daz nieman andre da mit niht ze tu^enne noch ze schaffenn haben sol, vnd sol daz selb gadem inrenthalb den súln den langen weg gen dem ga^esslin vierzehen schůch lang sin vnd an der witi núndhalb schůhes wît vnd an der ho^ehi aht schů hôch. Ich han im o^vch daz selb hûs vnd hofstat mit den rehten ze ko^vffenn geben, daz der vorgenemt Wa^elti Cristans vnd alle sin erben vnd nâchkomen die zwên geng, die obrenthalb dem nidrosten gadem ob ain ander stânt, der selben geng ietwedre inrenthalb den súln an der lengi gen dem ga^esslin fúnfzehenthalbes schůhes lang sin sol vnd an der witi núndhalbes schůhes wît vnd an der ho^ehi aht schů hôch, haben vnd niessen sond, vnd daz ich noch kain min erben noch nâchkomen in noch sin erben, ob er enwa^er, noch kain ir nâchkomen an den selben zwain gengen niht sûmen noch irren súllent in dehainen weg noch mit dehainen sachen. Es sol o^vch der selb Wa^elti Cristans noch ich noch kain v´nser erben noch nâchkomen obrenthalb den vorgeschribenen zwain gengen noch ob minem gadem, daz aller na^ehst obrenthalb dem gemainen gadem stât, da die vorgeschribenen drige stu^el inne stant, niht ze schaffenn noch ze tu^enne haben sont weder lútzzel noch vil, won ich es obrenthalb dem vorgenemten Johansen dem Múnser zů sinem hûs mit dem tache ze ko^vffenn geben hân, also daz der selb Johans der Múnser vnd alle sin erben vnd nâchkomen gewalt hânt, wenn sú wellent, obrenthalb den vorgeschribenen gengen vnd ga^edmern ze buwenn vnd ze varn, als hôch sú wellent, vnd daz o^vch der selb Johans der Múnser vnd alle sin erben vnd nâchkomen daz selb tach tekken sond, sú buwent hoher oder niht, daz ez im vnd o^vch v´ns vnscha^edlich sie, vnd sond o^vch daz tro^vff, daz hinnen ab dem selben tache flússet, wîsen vnd laiten vntz vff dez vorgenemten Wa^eltis Cristans hofstat ân allen v´nsern schaden, vnd sol dann der selb Wa^elti Cristans vnd alle sin erben vnd nâchkomen daz selb tro^vff vff siner hofstat enpfahen, vnd sond es dann fúro ab der hofstat wisen vnd laiten, dem vorgenemten Johansen dem Múnser vnd o^vch mir vnd allen v´nsern erben vnd nâchkomen vnscha^edlich. Ich vergich o^vch, daz ich dem vorgenemten Johansen dem Múnser daz vorgeschriben hus vnd hofstat mit dem rehten ze ko^vffenn geben hân, wa^er daz die sellan hinnan an dem selben hus, die vmb die grůb ligent, vnd die wend vmb die selben grůb vnd die súl, da dú vorgeschribenen ga^edmer vnd geng vff stânt, iemer verbrunnint oder fûl wurdint oder sus von dehainer schlaht ander sachen wegen gebresthaft wurdint, wenn oder welhes jares daz bescha^ech, daz sú nôtdurftig wa^erint ze bessrenn oder ze machenn, daz dez die vorgenemten Johans der Múnser, Wa^elti Cristans vnd o^vch ich vnd alle v´nser erben vnd nâchkomen gelichen schaden haben sond, die selben sellan súl vnd o^vch wend ze machenn vnd ze bessrenn, als dik so es nôtdurftig ist. Bescha^ech o^vch, daz got niht welle, daz dú vorgeschribenen drú húser verbrunnint oder sus nider vielint, so súllent wir noch kain v´nser erben noch nâchkomen niht fúrbaz vff den andern buwen noch kaines rehten fúrbaz zů dem andern sprechen von der vorgeschribenen húser noch hofstet wegen, won als da vorgeschriben stât an disem brief. Ich han o^vch dem vorgenemten Johansen dem Múnser daz vorgeschriben hus vnd hofstat mit den vorgeschribenen rehten v^f geben vnd geuertgot, als reht ist, mit dez êrwirdigen mines gna^edigen herren hant abt Hermans abt dez gotzhus ze sant Gallen², von dem es min lehen was, vnd hân im o^vch gelopt mit gůten trúwen fúr mich vnd alle min erben, dez vorgeschribenen hûs vnd hofstat mit den vorgeschribenen rehten vnd o^vch dez vorgeschribenen ko^vffes reht wern ze sinne nâch reht gen ma^enlichem an gaistlichem vnd an weltlichem geriht vnd ân allen stetten, wa sin der vorgenemt Johans der Múnser vnd sin erben bedurffent vnd nôtdurftig sint. Vnd ze ainem wâren vrkúnd vnd sta^eter sicherhait aller der vorgeschribenen dinge vnd gedinge so han ich Johans der Entziswiller da vorgenemt fúr mich vnd alle min erben vnd nâchkomen min insigel gehenkt an disen brief. Darnach vergich ich Wa^elti Cristans da vorgenemt ain gantz wârhait aller der dinge vnd gedinge, so von mir da vorgeschriben stant an disem brieue, vnd ze merer sicherhait der selben dinge so han ich o^vch fúr mich fúr alle min erben vnd nâchkomen min insigel gehenkt an disen brief. Der geben ist ze sant Gallen in der stat an dem na^ehsten donstag nach sant Thomas tag dez zwelfbotten in dem jâr, do man zalt von gottes gebúrt drúzehenhundert jar, fúnfzig jar vnd darnach in dem sehsten jâr.

Source Fulltext: Chartularium Sangallense VI, Nr. 4457a, S. 618-620.