Wir^a) die stett gemainlich, die den bund mit ain ander haltent in Swa^vben, alz wir vff ditz zit ze Vlm¹ bi ain ander gewesen sien, bekennen v´ns offenlich mit disem brief vnd tůen kunt allen den, die in ansehent oder ho^erent lesen, daz fúr v´ns komen sind || der erbern vnd wisen dez burgermaisters dez rautz vnd aller burger gemainlich der stat ze sant Gallen v´nser lieben aidgeno^vßen erberiv vnd gewißiv bottschafft mit vollem gewalt, vnd zogtent v´ns ainen brief, den in der hochwirdig fúrste apt || Chůno dez gotzhus ze sant Gallen² besigelt vnd gegeben haut, den selben brief wir aigenlich gesehen vnd vor allen stetten verlesen haben mit dez selben apt Chůnen an hangendem insigel gantzen gerechten vnd gůten vnd mit namen an kainen sachen || gebreschafft noch gema^vlget, vnd der brief stůnd von wort ze wort, alz her nauch geschriben stavt: ||
Es folgt der Text von Nr. 5740.||
Vnd do wir den brief also verhorten vnd gelasen, do ba^vten vns aber die vorgenanten v´nser aidgenoßen bo^vttschafft, daz wir in ditz brieffs ain vidimus von v´nser aller stett wegen vnder der von Vlm insigel geben vnd besigeln wo^elten vmbe daz, ob in fúro so^vlicher schad von brunst wegen aber zůfieli, da got vor si, alz vorbeschechen ist, daz in dirr brief ymmer abgieng, daz in doch der ander brief oder vidimvs belibi vnd daz ir stat frihait vnd recht alz gar nit vergeßen vnd vnder wegen gelaussen wúrd. Darvmb haben wir vns vorgenanten stett alle ainhelleclich vnd ainmůteclich erkennet vff vnser aide, daz wir in daz vidimus billich geben so^vlten. Vnd darvmb wan wir vorgenanten stett alle den vorgenanten brief also gantzen gerechten vnd gůten mit dez vorgenanten v´nsers herren apt Chůnen angehenktem insigel besigelten gesehen verlesen vnd verho^ert haben vnd der ouch von wort ze wort staut vnd geschriben ist, alz hie vor in disem brief begriffen ist, so haben wir vorgenanten stett alle gehaißen vnd vnsern lieben aidgeno^vßen den von Vlm enpfolhen vnd gebotten, daz si ir stat insigel zů ainer wa^vren gezivgnúß vnd bedauchtnúß aller vorgeschriben sach ane schaden in selb vnd ir stat offenlich gehenkt ha^vnt an disen brief. Der geben ist der nechsten mitwochen vor sant Anthonyen tag, do man zalt von Cristz gebúrt drivzehen hundert jar vnd dar nauch in dem driv vnd achtzigostem ja^vre.

Source Fulltext: Chartularium Sangallense X, Nr. 5942, S. 113.