I||
In gotes namen amen. Wir Willehelm von gotes gnaden abbet ze sante Gallen¹ viriehen^a) an disim brieve offenliche vnde kvnden^b) allen den^c) disen brief ane sehint oder ho^erent | lesin, daz || wir durch die liebe vnde durch die bette der burgerre vnde gemainliche ze sante Gallen der stat mit dem^d) willen vnsers^e) conuentes^f) vnde mit dem raete^g) der tivrsten vnsers^e) gotshus^h) dienest|manne daz || alte reht der selben stat wider gemachet han vnde ir dise hantuesteⁱ⁾ dar vbir^k) gegebin han wider den hantvestinon, die ir ze ainir allicher brunst verbrunnen warent, da es von altir | ane geschriben waz, || vnde^l) die ir von vnserme gedigene vnde von kaisern vnde von kunigen^m) gegeben vnde gevestentⁿ⁾ warent. Daz selbe reht daz^o) ist alsus gescaffen^p). Daz alliz^q) daz gv^ot, daz inrrent den vier crivcen vnde von der obenendi der berge bi der stat dis^r) inheldi ze tale lit, swelhe livte daz nv haben alde iemir^s) reht^t) vnde redeliche gewinnen, alde von swem man es heige^u) alde rehte vnde redeliche gewinne, daz daz in dem selben rehte stande alse Costinzer aygen, an erbinne^v), an virko^vffenne, an virsezzenne^w), ane daz, daz genes aygen vnde dis lehin ist, vnde ane daz, obe ain ko^vf hie sol beschenen^x), daz der verko^vffende vf sol geben in des lehinherren hant, swer der ist^y), vnde sol der ko^vffinde^z) dannan enphahen vnde sol dem herren ain viertail lantwins^aa) geben. Hat abir ir ainer oder si baide des^ab) herrin^ac) hulde^ad) niht vnde wil er da von^ae) ieneme^af) rehtes lehines^ag) oder enphahens^ah) verzihin^ai), so sol man ime aide sinime^ak) ehaftigen ammanne den win bieten, vnde sol der ko^vf irgangen sin, vnde swenne der ko^vffinde^z) iemir^al) dar nach mag beredin mit zwain sinin^am) husgenozzen, so sol ime^an) genes an sinime^ao) rehte kain schade sin. Vmbe^l) dis erben ist es alsus geschaffin^p), swer disses gv^otes iht hat, es si man odir wip^ap), stirbet der ane kint, den sol sin naehestir^aq) vatermag^ar) erben, es si wib oder man. Vindet abir man der inhainen, so sol es mv^otir^as) halb daz naeheste tv^on. Wil o^vch ieman des gv^otes iht versezzen en phandes wis, der sol dar gan vnde sol mit der hant dar ane griffen vnde sol es in phandes wis in genes gewalt, der es da verphenden wil, gebin vnde sol dar zv^o kainin^at) herrin^ac) niwet ane sehin. Enhain man alde wip^au), der disses gv^otes hat, der sol niender dar vmbe ze rehte stan wan vf der phallenze^av) ze sante Gallin^aw) vnde eht vor dem abbete. Unde^ax) sol es o^vch niene mitte verliesin noch gewinnen wan mit dem^ay) rehte vnde mit der vrtailde, da mitte^az) o^vch Costincerre^ba) ir aygen behaltent vnde verlierent. Wirt o^vch et mer^bb) danne ain vrtailde vbir daz selbe gv^ot gesprochen vnde belibent die hie vngesamenot, also daz der strit hie niht^bc) mag geschaiden werden^bd), so sol man es dar vmbe niene ziehin^be), wan sol eht die, die vrtailde gesprochen hant, ze Costince^bf) senden^bg), ir reht dar vmbe da zirvarnde, vnde swas^bh) die wider sagent, dar nach sol es der abbet^bi) endelichen rihten. Wir veriehen o^vch an diseme^bk) selben brive^bl), daz wir von dehainim^bm) menschen^bn), der niht sempaere^bo) ist noch burgerreht hat, mit swelheme^bp) andern^bq) rehte er vnser^br) gotshus aneho^eret vnde er doch ze sante Gallen seshaft ist vnde den burgern wachen hilfet vnde deme^bs) riche stivre gebint^bt), dekaine anesprache an in alder an sin erben suln^bu) haben, weder^bv) an ligendeme gv^ote in den vier crivcen vnde obenendi der berge, alse der snê sliffet, noch an dekaime sime^bw) varnden gv^ote, swa er es^bx) habe, ane daz allaine, daz er sin tivrste lebendes^by) gv^ot ze valle geben sol. Vnde obe^bz) er des niht hat, ist er ain hagestolz vnde hat er varnde gv^ot vnde stirbet er, so sol man gelten von sinime^ak) varnden gv^ote verwissen^ca) gvlte, die er gelten sol, vnde^l) sol der abbet sich^cb) des andern^cc) varnden gv^otes vnderwinden. Vnde hat er ain wip vnde stirbet er ane lib erben vnde lat er varnde gv^ot, so sol man von sinime^ak) varnden^cd) gv^ote gelten verwissen^ce) gvlte, die er gelten sol, vnde sol der abbet danne des vberigen^cf) varnden gv^otis^cg) nemen^ch) den halbentail vnde daz wip den andern tail. Umbe diser^ci) selben livte^ck) erben ist es alsus geschaffen, daz kint vnde wip^cl) erbent, obe siv div hant, obe si^cm) der enweders^cn) hant, so erbent si^cm) ir naehesten vatir mage, es si wip^cl) oder man, vindet man aber^co) der inhainen, so sol es mv^oter halb daz naeheste tv^on. Ist aber, daz^cp) siv diser erben allir inhainen hant, so sol der abbet alliz ir ligendes gv^ot, daz ze margetsrehte^cq) lit^cr), in sin^ao) gewalt ziehen vnde behalten iâr vnde tach^cs), vnde sol antwrten in der selben vrist allen den, die von rehtime erbe dehaine anesprache dar ane hant. Wir veriehen o^vch an diseme^ct) brieve, swer ain sempaerman ist oder burgerreht hat, daz den nieman jerrin^cu) sol, er mvge mit sinen kinden komen ze closter oder ze der^cv) ê, swar er wil. Vnde^l) veriehen^cw) o^vch, daz man dehainen burger von sante Gallen weder heften noch phenden sol an^cx) libe noch an gv^ote weder fvr abbet noch fur voget, er si es danne selbe gvlte oder burge. Vnde^l) ze ainer^cy) ganzer^cz) vnde ewiger staete allir der dinge, der wir an disime^da) brieve veriehen^db) haben, so gelobent wir mit gv^oten triwen, daz wir werbende sin mit vlizze, daz disiv hantveste bestaetet vnde besigelt werde von dem^dc) riche, swenne daz cumet^dd). Vnde^l) wir Willehelm der vorgenante abbet ze sante Gallen geben vnser^br) isigel vnde vnsers conuentes isigel an disen^de) brief ze ewiger staetekayt^df) allir der dinge, div hie^dg) vorgeschriben sint. Dis geschach ze sante Gallen, do^dh) von gotes geburte waz zwelhundert jare, aines vnde nivzzich^di) jare, an deme^dk) zinstage nach sante Jacobes tage.||
II||
In gotes namen amen. Wir Willehelm von gotes gnadn abbet ze sant Gallen vergehn an disem briefe offenliche vnd chunden allen || den, die disen brief an sehnt oder hornt lesen, daz wir durch die liebe vnd durch die bet der burgar vnd gemeinclihe ze sant Gallen der stat mit || dem willen vnsers conventes vnd mit dem rate der tivrsten vnsers goteshuses dienstmannen daz alte reht der selben stat wider gemachet han || vnd ir dise hantveste dar vber gegebn han wider den hantvestinon, die ir ze einer a^ellicher brunst verbrunnen warn, da ez von alter an geschriben waz vnd die ir von vnserm gedigene vnd von keysern vnd von kvnigen gegebn vnd gevestint warn. Daz selbe reht daz ist alsus geschaffen. Daz allez daz gut, daz inrront der vier crucen vnd von der obenendi der berge bi der stat dis inheldi ze tal lit, swelhe lute daz nv haben alde immer rehte vnd redeliche gewinne ald von swem man ez haige ald rehte vnd redeliche gewinne, daz daz in dem selben rehte stande als Chostenzar aigen an erbinne, an vercho^vffenne, an versetzenne, ane daz, daz yenis aigen vnd ditz lehn ist, vnd ane daz, ob ein cho^vf hie sol beschehn, daz der vercho^vffinde vf sol gebn in dez lehnherren hant, swer der ist, vnd sol der cho^vffinde dannan enphahen vnd sol dem herren ein fierteil lantwinez gebn. Hat aber ir einer oder si beide dez herren hulde niht vnd wil er da von yenim rehtes lehennes oder enphahennes verzihen, so sol man im ald sinem ehaftigen ammanne den win bieten vnd sol der ko^vf ergangen sin, vnd swenne der ko^vffende immer dar nach mach beredn mit zwein sinen husgno^ezzen, so sol im^a) ienez an sinem rehte chein schade sin. Umb ditz erben ist ez alsus geschaffen, swer disez gutes iht hat, ez si man oder wip, stirbet er ane kint, den sol sin na^ehster vater mag erben, ez si wip oder man. Vindet aber man der enheinen, so sol ez mv^etir halp daz na^ehste tv^en. Wil o^vch ieman dez gu^etes iht versetzen in phandes wis, der sol dar gan vnd sol mit der hant dar an griffen vnd sol ez in phandes wis in yenes gewalt, der ez da verphenden wil, gebn vnd sol dar zv keinen herren nivt ansehn. Enhein man ald wip, der disez gu^etes hat, der sol niender dar vmb ze rehte stan wan vf der phallentz ze sant Gallen vnd et vor dem abbet, vnd sol ez o^vch niena mit verliesen noch gewinnen wan mit dem rehte vnd mit der vrtailde, da mit o^vch Chostentzar ir aigen behaltent vnd verliesent. Wirt o^vch et me danne ein vrteilde vber daz selbe gu^et gesprochen vnd belibent die hie vngesamenot, also daz der strit hie niht mach gescheiden werden, so sol man ez dar vmbe niena ziehen, man sol et die, die vrteilde gesprochen hant, ze Chostentz senden, ir reht dar vmb da zervarnde, vnd swaz die widersagnt, dar nach sol ez der abbet endelichen rihten. Wir vergehn o^vch an disem selben briefe, daz wir von deheinem menschen, der niht sempar ist noch burgar reht hat, mit swelhem anderm rehte er vnser goteshus an horet vnd er doch ze sant Gallen sezhaft ist vnd den burgarn wachen hilfet vnd dem riche stivre gebn, dekeine ansprache an in alder an sine erben svln habn weder an ligendem gu^ete in den vier cruzen vnd obenendi der berge, als der sne slifet, noch an deheinem sinem varndem gute, swa er ez habe, ane daz alleine, daz er sin tiurste lebendes gut ze valle gebn sol, vnd ob er dez niht hat, ist er ein hagstoltz, vnd hat er varnde gut vnd stirbet er, so sol man gelten von sinem varnden gute verwizzen gulte, die er sol, vnd sol der abbet sich dez andern varnden gvtes vnderwinden. Vnd hat er ein wip vnd stirbet er ane lib erben vnd lat er varnde gu^et, so sol man von sinem varnden gvte gelten verwizzen gulte, die er sol, vnd sol der abbet danne dez vberigen varnden gvtes nemen den halbenteil vnd daz wip den andern teil. Vmb diser selben lute erben ist ez alsus geschaffen, daz kint vnd wip erbent, ob si div hant, ob si der enweders hant, so erbent si ir na^ehsten vater mage, ez si wip oder man, vindet aber man der enheinen, so sol ez mv^eterhalp daz na^ehste tv^en. Ist aber, daz si diser erben aller enheinen hant, so sol der abbet allez ir ligendes gut, daz ze marchetrehte lit, in sine gewalt ziehen vnd behalten iar vnd tach vnd sol antwrten in der selben vrist allen den, die von rehtem erbe dehein ansprache dar an hant. Wir vergehn o^och an disem briefe, swer ein sempa^er man ist oder burga^er reht hat, daz den nieman irren sol, er muge mit sinen kinden chomen ze chlo^ester oder ze der e, swar er wil. Vnd vergehn o^vch, daz man deheinen burga^er von sant Gallen weder heften noch phenden sol an libe noch an gute weder fur abbet noch fur vogt, er si ez danne selbe gulte oder burge. Und ze einer gantzer vnd ewiger sta^ete aller der dinge, der wir an disem briefe vergehn habn, so geloben wir mit guten tri^vwen, daz wir werbende sin mit vlizze, daz disiv hantveste besta^etet vnd besigele werde von dem riche, swenne daz chumt. Vnd wir Wil. der vorgnante abbet ze sant Gallen gebn vnser insigel vnd vnsers conventes insigel an disen brief ze ewiger staticheit aller der dinge, div hie vor geschriben sint. Diez geschach ze sant Gallen, do von gotes geburte waz zwelfhundert iar, eines vnd nivnzech iar, an dem zinstage nach sant Jacob es tage.

Source Fulltext: Chartularium Sangallense IV, Nr. 2279, S. 387-390.