Ich Albr. von Bussnang¹ ein frijer herr der hochgeborner fúrsten der herzogen von O^esterrich miner gne^adigen herren lantrichter || in Turgo^ew tůnt kunt mit disem brief, dz ich ze der Lo^vben² vff dem lantag an dem ne^achsten fritag na^vch sant Vr||bans tag, da ich offenlich ze gerichte sass, der erbern lúte des burgermeisters des rates vnd der bürgere gemeinlich || der statt ze sant Gallen offenlich brief vnd vrkúnde gese^achen han besigelt mit des hochgebornen des Ro^emschen keyser Karlen insigel, dz in der obgenant keyser Karle die gnade getan hat vnd inen dú friheit vnd re^achtunge gegeben hat, sunderlich dz er wil vnd geseczet vnd ste^atteget hat mit sinen keiserlichen gnaden, ob dz were dz iemen kein ansprach oder klag hette oder gewunne zů den selben sinen burgern, von weler ley sach dz we^are, der sol si nienent anders weder fúr lantgerichte noch kein ander gerichte vswendig der statt noch fúr sin hoffgerichte laden ansprechen noch beklagen denne vor irem richter in der statt ze sant Gallen, da man o^vch re^acht von in ne^amen sol, als danne da selbs geurteilt wirt, also dz er o^vch seczet vnd erkennet, swas anderswa vnd vor andren gerichten vff si erteilt^a) oder erteilt we^are oder herna^vch erklegt oder erteilt wurde, dz sol alles ze mal kein krafft macht noch vestenunge haben noch gewinnen, es were danne, das iemann, der da klegti, dz re^acht verseit oder wider recht vnd gewonheit verzogen wurde, so mo^echte der kleger si vff des keisers hoffgerichte vnd o^vch anderswa laden, da es billich ist, vnd da sin recht ersta^een vnd ervolgen, vnd da von so gebútet o^vch der obgenant keyser Karle mit sinem keyserlichen gewalte aller menlichem, dz niemen die egenanten den burgermeister den ratt noch die burgere gemeinlich der statt ze sant Gallen wider die vorgeschriben sin keyserlich gnade beste^atgunge vnd confirmacion hindern noch schadgen súlent in thein wise, wer aber da wider te^atte, der sol fúnfzig mark goldes re^achter pen veruallen sin, vnd die selben súllent halb siner keyserlichen kamer vnd dz ander halbteil den, die dz vnrecht lident, genczlich genauen, vnd dar vmb won ich ir friheit also gesechen han, so hab ich in na^vch rechter vrteil, won in mit gesamnoter vrteil erteilt ist, dz si der gnade vnd rechtunge geniessen súlent, disen brief geben besigelt mit des lantgerichtes insigel in Turgo^ew. Der geben wart an dem vogeschriben^b) lantag nach gottes gebúrt drúzechenhundert vnd im siben vnd sibenzigisten jar.

Source Fulltext: Chartularium Sangallense IX, Nr. 5581, S. 251-252.