Karl von gotis gnaden Romischer kunig zu allen zeiten merer dez reichs vnd kunig zu Behem embieten dem . . || ammann, dem . . burgermeister, dem rat vnd den burgern gemeinlich der stat zu sand Gallen vnsern vnd dez heili||gen reichs lieben getriwn vnsir kuniglich gnad vnd allez gu^et. Wann wir dem edeln Hertman^a) dem Mayer || von Windeg² die ierlich stewr, die ir vns vnd dem heiligen reich von ewir stat wegen schuldig seit, geben vnd verschriben haben, als in andern vnsern bri^euen, die er darubir hat, vollenkumenlich geschriben ist, gebieten vnd beuelhen wir ewern triwn ernstlich, daz ir die vorgenante ewir stewr ditz jares gebt vnd betzalt dem vorgenanten Hertman^b), vnd wann ir daz getu^et, so sagen wir der egenanten stewir euch ledig quijt vnd loz von vnsern vnd dez reichs wegen. Mit vrchund ditz briues versigelt mit vnserm kuniglichen insigel, der geben ist zu Godingen³ nach Christes geburt dreutzehenhundert jar, dar nach in dem zway vnd fiunftzigistem jare, an sand Stepfans tag dez byschofs vnd merteres, vnsir reich dez Romischen in dem sibend vnd dez Beheimischen in dem sechsten jare.

Source Fulltext: Chartularium Sangallense VII, Nr. 4237, S. 145-146.