Wir Karl von gots gnaden Ro^emischer keyser zue allen zeyten merer dez reychs vnd kunig zue Behaym || enbyten dem burgermeyster dem rat vnd den burgern gemeinclichen der stat von sand Gallen || vnsern vnd dez reichs liben getrewen vnser gnad vnd allez gut. Lyben getrewen, vmb dy gewo^enlich stewer, || dy ir vns vnd dem reych jerlichen schuldig seyt zue geben, enpfelhen wir ewern trewen vnd gebiten ewch ernstlichen bey vnsern vnd dez reychs hulden, daz ir dy selbe stewre awf sand Marteins tag, der schirst kunftig ist, dem edlen Ffridrich burggrauen zue Nu^ernberg⁴ vnserm liben sweher vnd getrewen von vnsern vnd dez reichs wegen gebet vnd bezalet, also daz ir ym fu^er sehtzehenthalben schilling haller eynen guldein gebet sullet, als ir daz auch vert bezalt habt, vnd wenn ir daz getut, so sagen wir ewch der selben stewre von dysem jare quit ledig vnd loz. Mit vrku^end dytz brifs versigelt mit vnserr keyserlichen maiestat anhangendem insigel. Der geben ist zue Budyssynn⁵ nach Cristus gebu^ert drvwtzehen hundert iar, dar nach in dem newn vnd sehtzigstem jar, an dem nehsten mentag nach sand Lucas tag dez heiligen ewangelisten, vnserr reich in dem vir vnd czweintzigstem vnd dez keysertums in dem fu^enffczehen jare.

Source Fulltext: Chartularium Sangallense VIII, Nr. 5192, S. 363.