Wir^a) Karl von gotes gnaden Ro^emischer keyser czu allen czeiten merer des reiches vnd ku^enig czu || Beheim embieten dem burgermeister rate vnd den burgern gemeinlich der stat sant || Gallen vnsern vnd des reiches lieben getrewen vnser gnad vnd alles gut. Lieben getrewen, vmb || die gewonlichen steure, die ir vns vnd dem reiche jerlich czugeben schuldig seit, empfelhen vnd gebieten wir euch ernstlich vnd vesticlich bey vnsern vnd des reiches hulden, das ir dieselben stu^ere vff sant Mertyns tag, der schirest ku^empt, dem edlen Fridriche burggrauen czu Nu^eremberg³ vnserm sweher vnd lieben getrewen gebt vnd beczalt, ye fu^er sechczehendhalben schilling haller eynen guldein, als ir das vert beczalet habt, vnd wenn ir das getůt, so sagen wir euch derselben steure von disem jare von vnsern vnd des reiches wegen quit ledig vnd los. Mit vrku^ende diez brieues vorsigelt mit vnserr maiestat anhangendem ingesigele. Der geben ist czu Prage noch Cristus geburt drewezenhundert jar, dornach in dem drey vnd sibenezigstem jare, an sant Gallen tage, vnserer reiche in dem achtvndczwenczigstem vnd des keisertůms in dem newnezehendem jare.

Source Fulltext: Chartularium Sangallense IX, Nr. 5381, S. 56.