Wir^a) Karl von gotes gnaden Romischer keyser zu allen zeiten merer des reichs vnd kunig zu Beheim embieten den . . || burgermeistern rate vnd burgern gemeynlichen der stat zu sante Gallen vnsern vnd des reichs lieben getrewin || vnsir gnade vnd allis gut. Vmb die gewonliche stewir, die ir vns vnd dem reiche schuldig seit zu gebin, || empfelhen vnd gebieten wir euch ernstlichen vnd vesticlichen bey vnsern vnd des reichs hulden, daz ir dieselbin stewir vff sante Merteyns tag, der schirest kumfftig ist, dem hochgeboren Frydrichen pfaltzgrauen bey Reyne vnd hertzogen in Beyern³ vnserm lieben oheim vnd fursten gebet vnd betzalhet, ye fur sechtzehendhalbin schilling einen guldeyn, als ir daz verr betzalhet hat. Vnd wann ir daz getut, so sagen wir euch derselbin stewir von diesim jare von vnsern vnd des reichs wegen qweit ledig vnd los. Mit vrkund ditz brieues vorsigelt mit vnsir keyserlichen maiestat ingsigel. Der geben ist zu Nuremberg nach Crists geburte dreytzehenhundirtjar, dornach in dem achtvndsibentzigstenjare, an dem suntage, als man singet Reminiscere, in der vasten, vnsrer reiche in dem tzweyvnddreyssigsten vnd des keysertums in dem dreyvndtzwentzigsten jaren.

Source Fulltext: Chartularium Sangallense IX, Nr. 5637, S. 316-317.