Allen den, die disen gegenwurtigen brief sehent alder ho^erent lesen, kvnden wir .. die ra^ete vnd^a) die bvrger gemainlich von Costentz, von Zvrich, von sant^b) Gallen vnd von Schafhusen¹, daz wir nach vnsers gna^edigen herren des Ro^emschen kv||neg Hainri|ches haizenne vnd gebotte vnd von sime gwalte ainmv^eteclich^c) vnd mit gůter betrahtvnge dvrch gemainen fride vnd beschirmvnge baidv vnserre^d) stette^e) vnd vnsers gůtes vnz zesamen haben verphlihtet mit trvwen vnd mit geswornen aiden, ainan||de|ren ze ratenne vnd zehelfenne mit gůten trvwen hinnan ze sant Johannes tvlt des To^vfers der na^ehsten vnd dannan vber vier jare^f) dv na^ehsten wider allerma^engelichem, der vnz mit gewalte vnd wider dem rehten vnfv^oge pru^efet^g) alder tv^ot, vnd ist || daz svnderlich beschehen mit den nachgeschribenen gedingen. Swa dekain lantman vnz den vôrgenanten^h) stetten dekainer gwalt ald vnfv^oge tv^ot an ir luten, an libe alder an gůte, dv selbe stat sol denne von êrste reht vorderon an den selben lantman, ist daz er sich dawider setzet, so sol dv stat den anderen drin ir sache fvrlegen, vnd so^elen die drieⁱ⁾ stêtte danne an den selben lantman reht vorderon vnd o^vch bieten von der ainvn stat, wolte er des niht tv^on alder nemen, so sint die drîe stêtte^k) denne gebvnden ze helfenne der ainvn mit libe vnd mit gůte, so verre si gedvnket bi ir aide, daz ez dv stat notdvrftig sîe^l), vnd si ez o^vch gebvnden sin zetv^ende von rehte. Wa^er aber, daz die ainvn stat des bedvhti^m), daz si die andern drîe stêtte^k) alder ain stat vnder den drin mit helfe fvrbaz mainen solte, danne ir beholfen wa^ere, darvber sol man nemen von iegeslicher stat drîeⁿ⁾ bvrger^o), die sich vf ir ait erkennen, waz man fvrbaz helfe tv^on so^ele, daz ez geschehe, alz den mêren^p) tail vnder in gefv^ege dvnket. O^vch sin wir vberain komen vf den ait, swaz dekainer stat vnfv^oge widervêrt, daz si von ir selber ane^q) die andern drîeⁿ⁾ stêtte gerihten mac mit liebe vnd ane geva^erde, daz si daz vz rihte bi ir aide, wa^er aber, daz si ez von ir selber niht gerihten mo^ehte, so mac si denne wol den anderen drin ir sache fvr legen, vnd sint die drîeⁿ⁾ stêtte^k) denne gebvnden ze helfenne der ainvn, alz vor geschriben ist. O^vch sol man wissen, daz die êreba^eren^r) bvrger von Zvrich, von sant Gallen^s), von Schafhusen den bvrgern von Costentz vz hant gelâzen^t), wa^er^u) daz vnser herre der bischof von sin selbes alder von sinz gotzhuses wegen in dekainen stôz alder vmminne geviele mit den vorgenanten drin stetten alder mit ainer, des sint die bvrger von Costentz gebvnden bi ir aide ze rihtenne mit liebe, so verre si mvgen^v) ane geva^erde, mo^eht aber des niht beschehen, so so^elen si^w) weder ir herren noch den stetten ihtes beholfen sin in der sache. O^vch veriehen wir die bvrger von Costentz, wa^er daz vnser herre der bischof gegen den vorgenanten drin stêtten^k) iemannes helfer wolte sin, daz inen ze schaden mo^ehte komen, daz wir inen gebvnden sin zehelfenne ane geva^erde in allem dem rehte, alz vor geschriben ist. Hie bi veriehen wir, wa^er^u) daz, ob wir mit vnserm hêrren^x) dem bischof alder er mit vnz in dekaine vmminne vielen alder stôz^y) kâmen, da svlen die drie stette von Zvrich, von sant Gallen, von Schafhusen weder vnserm herren dem bischof noch vnz ihtes beholfen sin, wan so vil si gerne tv^ont vnd so vil daz si vnz mit gůten ta^egdingen vnd mit liebe gerihten, so verre si mvgen, vf ir ait. O^vch svlen die bvrger von sant Gallen gegen ir herren dem abbte^z) von sant Gallen beliben vnd sin in allen den gedingen, alz die bvrger von Costentz in selber hant svnderlich vz^aa) gedinget^ab) gen ir herren vnserm herren dem bischof von Costentz. O^vch sol man wissen, wa^er daz der vîer^ac) stêtte dekainv ieman dienti ald dekainen vzbvrger^ad) ald diener an sich na^eme ane der anderen drier stêtte^k) rat vnd willen, da sint die selben drîeⁿ⁾ stêtte der ainvn nihtes gebvnden zehelfenne, swaz si davon bresten nimet, danne so verre si tv^ont dvrch ir gůten willen. Wa^er o^vch, daz in den vorgenanten vier stêtten^k) dekain tail alder dekain krieg vf^ae) stv^ende, da sint der rat^af) vnd die bvrger in der selben stat gebvnden bi ir aide, daz si daz vz^ad) rihten, ob^ag) si mvgen. Wa^er aber, daz ez vnder in niht mo^ehte gerihtet werden, da^ah) sol^ai) von den anderen drin^ak) stetten^e) allenthalben der rât vnd die bvrger hine senden ereba^ere^al) lute, daz si daz vz rihten^am), vnd sweder^an) tail sich dawider setzet, so so^e)len denne die drie stette dem andern taile beholfen sin mit libe vnd mit gůte, so vêrre^ao) si mvgen, daz ez gerihtet werde ze minen^ap) ald ze rehte. Wa^er o^vch, daz vnder den vorgenanten vier stêtten^k) dekaine zwo ald drîe krieg alder^aq) stôz^y) mit anderen gewunnen, daz so^elen die zwo stette ald die drîe vz^ad) rihten bi ir aide, vnd so^elen o^vch die zwo ald die drîeⁿ⁾ gehorsam sin bi dem selben aide ane vmb aigen, vmb erbe vnd vmb gulte, da sol iegslich^ar) stat beliben in allem dem rehte, alz^as) si vor waz vnd herkomen ist. Wa^er o^vch, daz dekain bvrger in den vorgenanten vier^at) stetten ieman der lantlute diente^au) alder dienen wolte^av) ane siner bvrger willen, des selben bvrgers sol sich dv stat entânen so verre, daz si von sinen wegen in dekainen krieg gevallen mvge, gescha^ehe des niht, so sint die andern drîeⁿ⁾ stêtte^k) der ainen^aw) nihtes gebvnden zehelfenne vmb die sache. O^vch veriehen wir, swaz wir alle vîere^ax) stette^e) mit ieman biz her vf disen tac ze tv^ende han gehebt, daz enkain stat der andervn ihtes gebvnden ist ze helfenne vmb die sache, wan so verre^ay) si gerne tv^ot alder mit gůten ta^egdingen^az) gehelfen kan. Wa^er o^vch, ob vnz der kvneg iht anders^ba) enbvtte^bb) zetv^ende mit sinen briefen vmb die gelubde, so wir zesamen hant getan, da so^elen wir alle viere stêtte^k) mit ainander^bc) a^entwurten vnd enkain stat ane die andervn, vnd so^elen o^vch bi dem aide werbende sin, so verre wir mvgen, mit bette ane geva^erde, daz vnz der kvneg laze beliben vf dv vorgenanden zile bi der gelubde^bd), alz wir zesamen haben gelobt, wolt er aber des niht enbern, so so^elen wir vnserre^d) aide ledig sin. Wa^er o^vch, ob vnser herre der kvneg verdvrbe, da vor got sie, so sol dv gelubde vnd vnser ait doch sta^ete beliben die iârzal^be) vz, alz vorgeschriben ist, danne so verre, ob ain ander kvneg wurde, der gewaltig wa^ere^bf) in Costentzer bistvm, an den soltin^bg) wir doch werben, daz er vnz gvnde sament zebelibenne die vorgenanten jare zal^bh) vz^ad). O^vch sien^bi) wir die vorgenanten^bk) vier stette^bI) gebvnden, daz wir enkainen^bm) herren nemen so^elen, wan mit gemainem rate vnd willen vnser aller vier stêtte alder mit den, die von den stetten^e) darzv^o genomen werdent, ald dem mêren^p) taile^bn) vnder vnz wol gevallet. Vnd hieruber daz alles daz, so vor geschriben ist, sicher vnd sta^ete belibe, so geben wir die vorgenanten bvrger von Costentz, von Zvrich, von sant Gallen vnd von Schâfhusen^bo) dierre briefe vier^ax) gelich geschriben, besigelt mit vnserr^bp) vier^bq) stêtte^k) insigeln, zainem waren vrkvnde. Diz beschach vnd dise briefe wurden^br) geben in der vorgenanten stat ze Costentz, in dem jare, do man zalte von gottes gebvrte drvzehenhvndert jare vnd in dem zwelften iare^bs), an sant Vrbans abende.

Source Fulltext: Chartularium Sangallense V, Nr. 2822, S. 216-218.