Wir dez hailigen Ro^emschen richs stett in dem bunt ze Swaben, als wir vff disz zit ze Esselingen¹ by ain ander gewesen || sien, tůn kunt aller menglich mit disem brief, daz als vnser lieben getrúwen aydgenossen die hoflút arme vnd || rich der stat ze Altstetten², dez hofes ze Marpach³ vnd dez hofes ze Bernang⁴ in dem Rintal vnd alle, die zů in ge||ho^erent, zů vns in vnsern bunt komen sint vnd in gesworn habent, daz wir die vorgenanten vnser aydgeno^vssen den ersamen wisen den burgermaistern vnd den ra^eten der stett Lindowe⁵ vnd sant Gallen vnsern lieben aydgeno^vssen beuolhen haben vnd o^vch enphelhen mit disem brief, also daz sie in allen ieren sachen zů in lůgent ynen von vnser aller haissentz wegen alle zit getrúweclich beholfen bystendig vnd fúrderunt sient, wenn vnd wa sie sin notdúrftig sint. Vnd wa^ere, ob sie dehain sache an gienge oder an ga^en wúrde, dú den vorgenanten von Lindowe vnd von sant Gallen vnsern aydgenossen ze erobern ze swa^er wúrden, da so^elten vnd mo^echten sie ander die na^echsten dez hailigen richs stett als menge zů in manen, da mit sie denn die sach erobern mo^echten, dar zů o^vch wir ynen alle zit beholfen vnd bera^vten sin súllen vnd wellen. Vnd dez ze vrkúnde haben wir in disen brief von vnser aller haissentz wegen geben besigelt mit der von Esselingen insigel. Der geben ist ze Esselingen an dem na^echsten fritag nach sant Michels tag dez hailigen fúrst engels, do man zalt von Cristes gebúrt drúzenhenhundert vnd sybentzig iar vnd dar nach in dem achtenden jare.

Source Fulltext: Chartularium Sangallense IX, Nr. 5664, S. 339-340.