In gottes namen amen. Wir die ra^ete vnd die burger gemainlich der stetten ze Costentz vnd ze sant Gallen tůn kunt allen den, die disen gegenwúrtigen brief ansehent alder ho^errent lesen, daz wir ainmu^eteclichen mit gůtem || rate vnd vorbetrahtung durh gemainen frid vnd schirmung v´nser liben vnd v´nsers gůtes v´nser stetten vnd burger v´ns zesamen verbunden vnd verstriket habint mit aiden, ananderen getrúlich ze ratende vnd ze helfenne || gegen allen den, die v´ns mit gewalt vnd wider dem rehten^a) vnfůg vnlust alder dekainen schaden tůnt, in welhen weg daz gescha^ehe ald geschenhen^b) mo^echte, daz wir darvmb ananderen zůleggen geraten vnd beholfen sin sont, || so verre v´ns libe vnd gůt erlangen mag. Diz buntnúst, dú hie nach geschriben stat, habin wir getan dem rich vnd allen sinen rehten vnscha^edlich. Swaz aber dewedrú stat, ald ob ander stette in diz buntnúst ka^emint, von ir selben mit lieb v´bertragen vnd gerihten mag, daz sol och dú selb stat vssrihten bi ir aide ane alle geua^erde. Wa^er och, daz dú selb stat daz nit gerihten noch von ir selben vsgetragen mo^echte, so mag dú selb stat der anderen stat ald den anderen stetten, ob ir me in diz buntnust kunt, ir sach vnd ir gebresten fúrleggen vnd verbotschefton, vnd sol danne dú ander stat ald die anderen stette der selben stat denne gebunden sin fúrderlichen ane fúrzug^c) ze helfende bi dem aide, als vor geschriben stat. Swaz aber ieman alter kriegen vntz her gehebt hat, dazů ist man nit gebunden ze helfenne, won tu^ege ez denne gern ald aber durh frúntschaft. Ain iegelich rate dirre stetten, die in dirre buntnúst sint ald noch dar in koment, sol gewalt han sich ze erkennent vmb ir schaden vnd gebresten vnd dar vmb ze manent, als an disem brief geschriben stat. Gescha^ehe och, daz diser stetten^d) dewederú als verre geschadgot wurde vnd sich erkandi vf den aide vmb hilf, so sol dú selb stat, dú den gebresten lidet, der anderen stat enbieten, daz si drie von ir ra^eten vf ain tag sendint, der zitlich vnd gelegtenlich^e) sige, vnd sol dú selb stat, dú den gebresten lidet, och drie von ir ra^eten vf den selben tag senden, die sechs ald der mertail vnder in sont da helf vnd angriff schephen bi ir aide ane alle geua^erde nach ietweder stat mugent vnd nach der gelegenhait vnd nach dem, als der stat notdúrftig si, dú den gebresten lidet, ane alle geua^erde. Wa^er och, daz dewederú stat manti vmb hilf vnd darnach der anderen stat och schade gescha^ehe vnd dú och manti, so sol man der, dú dez ersten gemant hat, beholfen sin bi dem aide, won múg ez denne mit ir willen v´berwerden. Het och dewederú stat vssburger vf dem lande, beschiht den schade, swez sich vmb die ain rat erkent, da si burger sint, da sol man in beholfen sin ze gelicher wise als ainem ingesesse burger. Aber den burgern von Costentz ist in diser buntnust vss verlassen ir herre der bischof von Costentz mit der beschaidenhait, wa^er daz v´nser herre der bischof von Costentz von sin selbes oder von sines gotzhus wegen in kainen stosse ald krieg vieli mit den stetten, die in dirre buntnúst sint, mit allen oder mit kainer vnder in, da sint die burger von Costentz gebunden bi^f) ir aide, daz ze rihtende mit lieb vnd mit frúntschaft, so verre si mugent, ane geua^erde. Mo^eht aber dez nit gesin, so sont die burger von Costentz weder ir herren dem bischof noch der stat ald den stetten, ob ir me in diz buntnust kunt, nihtes beholfen sin in der sache. Wa^er och, daz v´nser herre . . der bischof gegen v´ns den stetten ainer oder zwain iemans helfer wolti sin, daz in ze schaden komen mo^eht, da sint die burger von Costentz den selben ir aitgnossen gebunden ze helfenne ane fúrzug in allem dem reht, als vor geschriben stat. Ez ist och vmb die burger von Costentz berette, wa^er daz ir herre . . der bischof von Costentz ald sin nachkomen si ihtes bekúmberren ald trengen wolti wider ir reht vnd ir gůten gewonhait, dez sich der rat ze Costentz ald der mertail dez rates erkandi vf den aide, so sol man in gen dem selben ir herren dem bischof ald sinen nachkomen, alle die wil disú buntnúste werot, geraten vnd beholfen sin vf den aide. Wa^er aber, daz der selb v´nser herre der bischof ald sin nachkomen gen ieman, so in dirre buntnúste ist oder noch darin komet, helfer wolti wesen, so sont die burger der selben stat ze Costentz aber den, so in dirre aitgnosschaft sint, gen im^g) geraten vnd beholfen sin in allem dem reht, als vor geschriben stat. Swaz och den burgern von Costentz gen ir herren dem bischof vnd sinen nachkomen in diser buntnust behalten vnd verschoben ist, daz selb sol och den burgern von sant Gallen gen ir herren dem abt von sant Gallen vnd sinen nachkomen bedingot vnd behalten sin in aller der wise, als hie vor an disem brief geschriben stat. Wa^er och, daz ieman den, so in dirre buntnúst sint ald noch darin koment, dekainen schaden oder angriff ta^eti^h) mit kainen sachen, widerta^eti denne der selb dez nit, so ez im verbotscheftot wurde, vff den selben vnd vff die vnd vff alle ir diener vnd helfer sol man beholfen sin, als da vor geschriben stat, vnd wer sú enthaltet huset oder houet ze essend oder ze trinkent git ratet oder hilfet, vff den vnd vff die vnd vff alle ir diener vnd helfer sol man beholfen sin ze gelicher wise als vff den, der den schaden getan hat. Ez ist och berette, wa^er daz sich also fůgti, daz man ieman besitzen wolti, so sol dú stat, so die sach denne angat vnd ru^eret, den kosten von werchen vnd von búwen dar lihen, der man da bedarf, vntz vf daz zil, daz daz gesesse ain ende hat, vnd swenne aber daz gesesse zergangen ist, so sol dú selb stat, dú den kosten dargelihen hat, der anderen stat ald den anderen stetten, ob ir me in diz buntnust kunt, zesamen gebieten vf ain tag, vnd sol der selben stetten iegelichú drie erber man von ir ra^eten vf den tag senden, vnd sont die selben denne gemainlich ald der mertail vnder in den kosten anleggen nach iegelicher stat mugent, ane alle geua^erde, vnd swaz ie der stat vf gelait wirt vnd gezúhet ze gebende, daz sol man darnach inrunt den na^echsten zwain manodenⁱ⁾ rihten ane allen fúrzug ald aber den schaden dar vmb liden vnd haben, so vff so vil gůtz gan mag, ob daz selb gůt an schaden vssgenomen wirt. Och ist berett, wa^er daz ieman, so in dirre buntnúst ist oder noch darin komet, von ieman geschadgot wurde mit kainen sachen, vnd der selb denne, der den schaden getan hat, daz reht butti vor den stetten darvmb ze tu^enne, daz selb reht sol man von dem selben nit nemen, er widertu^ege vnd geb och emals wider daz, so er der stat ald den, so in dirre buntnúst sint, geschadgot ald getan hat, vnd alle die wile, so der selb daz nit widertan hat, so ist man dem ald den enkaines rehtes gebunden von den stetten ze tu^enne. Swenne aber von dem ald von den widertan wirt ald ob súss ieman stosse oder missehellung hat mit kainer^k) stat, so in diz buntnúst geho^ert, da von dannoht^l) enkain schad beschehen ist, vnd daz reht bútet vor den stetten ze tu^enne, dez sol sich dú ain stat, die der stosse nit angat, vnderziehen vnd ir gůten botten vff ain tag darzů senden, die die sach danne nach baider tail fúrleggung vnd antwúrt rihten ze den minnen oder ze dem rehten, so verre vntz daz der sach ain ende geben wirt. Wer aber daz reht in so^elichen sachen verspricht vnd daz vor der stat nit nemen wolte, vff den vnd vff die sol man beholfen sin, als vorgeschriben stat. Aber sol man sunderlichen wissen, ist^m) kain burger der stetten, so in dirre buntnust sint oder noch darin koment, kainem herren dienoti, vnd wider vert dem selben danne von dem dienst kain schade, dar vmb sint im die stette dirre buntnust nit gebunden ze helfenne mit kainen dingen, wolt aber ieman die stat, dannan der selb burger ist, von dez selben burgers wegen angriffen vnd schadgen, dar v´ber sol dú ander stat ald die andern stette, ob ir me ze diser buntnúst genomen wirt, beholfen sin, ist daz si von dem rat der selben stat dar v´ber ermant werdent, vnd nit anders. Ez sol sich och entwederú stat nienderthin verbindenⁿ⁾ noch verstriken won mit der anderen stat willen. Ez sol och enkain laye den andern layen, die burger in disen stetten sint, vff daz gaischlich geriht laden noch da mit vmb triben, ez si denne vmb ain so^elich sache, dar vmb ain gaischlich rihter billich rihten^o) so^el, tribt aber ieman anderen den andern vmb mit dem gaischlichen geriht, dar vmb ist man nútz gebunden ze tu^enne. Ist och, daz dewederú stat ieman hat an sich stossent von rittern oder von edelen lúten, die diser buntnust begertint vnd darzů nútze vnd gůt wa^erint vnd der buntnust fůgti, ald ob ain stat ald ain herre, der so ma^ehtig wa^er, och dir buntnust begertint, die sol man nemen in diz buntnúst mit diser baider stette rat, vnd sont sich och v´ber die erkennen diz zwo stette ald ir ainú, ob ez ir von der anderen enpholhen wirt. Vmb swaz sach wir anander manont, die wil disú buntnúste werot, vnd nit vssgetragen wirt bi diser buntnust, dar vmb so^elin wir ananderen beholfen sin nach^p) der buntnúst bi dem aide mit sa^emlichem ernst, als ob dú buntnúst dennoht werti, vntz daz daz vssgetragen wirt. Och sol man wissen, wa^er daz ieman den, so in dirre buntnúst sint oder noch darin koment, schaden ald vientschaft nach dem zil, so disú buntnúst vergangen ist, anleggen wolte von der ding wegen, so in dirre buntnúst vfgeloffen ald geschehen sint, vnd dez man nach der buntnust an die komen wolte, dem oder den sol man als vo^elklich zůleggen vnd beholfen sin als vor, vntz daz er der vientschaft vnd dez schaden entledigot werde. Wa^er och, daz kain stosse ald zerwúrfnust vfstu^end in disen stetten, dez der rat der selben stat nit gewaltig mo^echti sin, swez aber denne der mertail dez rates der selben stat, der dez tags rat ist, so der stosse ald zerwúrfnúst vfstu^endint, sich erkandint bi dem aide vmb die sach, dez sol in dú ander stat beholfen sin bi dem aide, den vngehorsamen tail ze vnderwisent, daz si bi den rehten vnd bi^q) den dingen belibint, als och si mit diser buntnust begriffen sint. Wa^er och, daz zwischent disen zwain stetten kain krieg oder stosse vffstu^end, da sol man von ietweder stat drie darzů senden bi dem aide, die schidelich sigint vnd die die sach nit angang noch ru^ere, die sechs ald der mertail vnder in sont den stosse vssrihten bi dem aide, vnd swie si daz vssrihtent, dez sont baide tail gehorsam sin bi dem aide. Aber vmb^r) aigen vmb erbe vmb lehen vnd vmb gúlt sol ietwederú stat beliben bi den rehten, als si vor waz vnd vntz her komen ist. Ez sol och ietweder stat behalten sin ir frihait ir rehtung ir geriht vnd ir gůten gewonhait mit allen den stuken, als sis vntz her braht hant vnd gewesen sint. Diz vorgeschriben alles habin wir gelobt mit gůten trúwen vnd darzů offenlich ze den hailigen gesworn, sta^et ze haltende vnd ze vollefu^erent ane alle geua^erde von hinnan ze dem zwelften tag ze winhenna^ehten dem na^echsten^s), der nu kunt, vnd darnach dú na^echsten zwai jar nach anander. Vnd hier v´ber ze vrkúnde habin wir die vorgenanten zwo stette v´nserú insigel offenlich gehenkt an disen brief. Der geben ist ze Costentz, do man von Cristes gebúrt zalt drúzehenhundert iar^t) vnd in dem vier vnd vierzigosten jar, an dem na^echsten samstag^u) nach sant Nyclaus tag.

Source Fulltext: Chartularium Sangallense VI, Nr. 3907, S. 453-456.