Hainricus^a) dei gracia episcopus Constanciensis omnibus presencium inspectoribus noticiam subscriptorum cum salute. Ex parte magistricivium consulum et civium || opidi seu loci apud sanctum Gallum ad aures nostras fuit deductum, quod nonnulli elend tam in maioribus quam minoribus constituti ac || alii dicant et asserant ecelesiam monasterii sancti Galli affici et ligari sentenciis interdicti, que a nobis seu auctoritate nostra in ecclesiam parrochialem || sancti Laurencii apud sanctum Gallum et eius parrochiam proferuntur, et etiam ad huiusmodi sentenciarum interdicti observacionem ipsius monasterii conventuales et alios ibidem in ecclesia monasterii eiusdem teneri pro se allegantes Clementinam ti(tulo) de sentencia exeunte, que incipit Ex frequentibus¹, ipsis conventualibus et nonnullis aliis contrarium asserentibus et replicantibus, et quia ex parte eorundem magistricivium consulum et civium, ut scandala, que exinde apud sanctum Gallum sunt orta, cessarent, humiliter a nobis fuit petitum, quatenus quid iustum et verum esset, in hiis declaremus^b). Nos eorum in hac parte peticioni acquiescere volentes, cum ius ex facto oriatur, ut de facto huiusmodi informaremur, certos fidedignos testes iuratos recepimus et examinari fecimus eorumque sic examinatorum dieta in scripta redacta publicavimus vidimus consideravimus recensuimus et ponderavimus diligenter ac ex eorundem testium depositionibus huiusmodi invenimus et cognovimus ecclesiam monasterii predicti esse maiorem ecclesiam loci apud sanctum Gallum. Et idcirco Christi nomine invocato iurisque ordine in talibus observando servato dictam ecclesiam monasterii predicti sentenciis interdicti a nobis vel alias auctoritate nostra ordinaria in ecclesiam parrochialem sancti Laurencii predictam et eius parrochiam latis et inantea ferendis affectam et ligatam hactenus non fuisse et etiam inantea non affici nec ligari ipsiusque monasterii sancti Galli conventuales et alios ad observanciam eiusdem interdicti in dicta ecclesia monasterii sancti Galli astrictos non fuisse nec esse declaramus et pronunciamus hiis in scriptis adhibitis in premissis sollempnitatibus debitis et consuetis. In quorum omnium testimonium sigillum nostrum episcopale presentibus mandavimus appendi. Datum Constancie anno domini millesimo trecentesimo sexagesimo septimo, III. kln. augusti, indictione quinta.

Source Fulltext: Chartularium Sangallense VIII, Nr. 5083, S. 263.