Wir Karl von gots gnaden Romischer^a) zu allen zelten merer dez reichs vnd kunig zu Beheim en||bieten dem burgermeister dem rate vnd den burgern gemeinlich der stat zu sant Gallen^b) vnsern lieben || getrewen vnser gnade vnd alles gůt. Lieben getrewen, wann^c) vnser heiliger vatter der pabst vns angeru^effen || hat alz einen vogte vnd schirmer der heilgen kirchen vnd hat vns ernstlich gebeten, daz wir yn zu Rome in sancte Peters stul furen wollen, vnd wann wir ouch durch dez heiligen reichs ere willen die fart tun wellen vnd dez nicht lassen, darumb manen wir úch ernstlich, daz ir von vnsern wegen u^ewer letzte antwu^ert daruber gebet dem erwirdigen Lamprecht bischove^d) zu Speir² vnserm lieben fursten heimlichen rate vnd lieben andechtigen, mit wieuil guter lute gewappet ir vns dienen wollet gen Rome, steteclich sehs mande by vns zu bleibend, an zu czelen die monden, so ir von huse vßcziehent, vnd dienet vns alz erlich, daz wir vnd daz reiche dez ere haben vnd uch dez gnediclich gedanken mu^egen. Vnd weren vns die sache nicht alz ernste, so sendenten wir u^ech nicht als erber vnd ernstlich vnser botschafft. Vnd waz er mit uch tedinget in der sache, daz wellen wir gentzliche stete vnd vesticlich halden in aller weiz, alz ob wir daz selber teten, vnd gloubent ym ouch, waz er u^ech sagen wirdet von vnser wegen, alz vns selber. Wa och u^ech der egenant vnser furste mit sinen briefen oder botten enbutet, daz ir zu ym komen sullet, do komet zu ym by vnsern vnd dez reichs hulden. Geben zu Heitinsfeld³ an sant Agneten tag, vnser reich in dem eyn vnd zwenczigsten vnd dez keisertums in dem zwo^elfften jare.

Source Fulltext: Chartularium Sangallense VIII, Nr. 5052, S. 235-236.