In gottes namen amen. Wir die ra^ete vnd die burger gemainlichen der stette Megintz^a), Wrmes^b), Spire^c), Straspurg^d), Basel, Friburg¹, Kostentze^e), Zurich^f), Lindowe^g)2, v´berlingen^h)3, vnd graue Eberhart von Kiburgⁱ⁾ || lantgraue ze Búrgenden^k)4 vnd der von Berne, vnd^l) die burger der stat ze sant Gallen^l) tůnt kunt allen den, die disen brief sehent, lesent oder ho^erent lesen, das wir durch n|utz vnd fride v´nser v´nser burger vnd lúte gemainlichen vnd des landes v´ns zesamene hant gemachet vnd gebunden^m) mit || dem aide, den wir darvmb getan hant, anander getrúlich ze ratende vnd zehelfende hinnanfúr vntz zů sant Georienⁿ⁾ tag, so nu na|hst komet, vnd von dannan an vnderlas ain gantzis jar zů allen den kriegen, so v´ns angeuallent oder gewinnent, wa oder in welichen weg v´ns die anvallent, ane das, was ieman, die || zů dirre verbuntnúst geho^errent, es sint herren oder stette oder wer die sint, in den alten kriegen vntz her geschehen ist, dar zů sol man nút beholfen sin, man tu^ege es denne gerne, mit so|licher beschaidenhait, als hie nah geschriben stât. Wa^ere das dekain herre oder stat oder wer der ist, die nu in dirre verbuntnest sint oder hernah dar în koment, mit der beschaidenhait, als hie nach geschriben stât, von iemanne geschadgot wrdint in den vorgenanten ziln, vnd das der rât^o) der stette oder der mere tail des rates vffen den aid erkandent, das sú geschadget wa^erin wider dem rehten vnd das man in vnreht ta^eti vnd das reht von in verspra^eche, den son die andern herren vnd stette oder wer sú sint, die zů dirre verbuntnúst ho^erent, beholfen sin vffen den aid gelicher wise, als in das vnreht oder schade wideruarn wa^ere, doch sol der herre, stat oder wer er ist, die zů dirre verbuntnúst geho^erent, die da geschadgat werdent, verbotschaftan den naihsten herren, stetten oder wer si sint, die zů dirre verbuntnúst geho^erent da der schade geschehen ist, vnd ouch den herren, stetten oder wer si sint, die zů dirre verbuntnúst geho^erent, da die aller naihst gesessen sint, die den schaden hant getân, das sú geschadget sint, vnd son denne die herren, stette vnd die andern, die in dirre verbuntnúst sint vnd den es verbotscheftet wirt, als da uor geschriben stât, furderlich vnd âne fúrzug vffen den aid, die ir diener^p) vnd helfer angrîffen, die den schaden hant getân, das es gerihtet werde, darnah als es in gelegenlich ist ane alle geua^erde, vnd sont ouch die herren, stette oder wer si sint, die zů dirre verbuntnúst ho^erent, den es verbotscheftet wirt, als dauor geschriben stât, dehainen der andren, die zů dirre verbuntnúst geho^erent, es sigen herren oder stette oder wer sú sint, darzů manen, sú erkennen denne uffen den aid, das sú es alla^ene niht getwingen mugend, vnd wenne sú das erkennent, so sont sú ie den naihsten herren vnd stetten vnd wer sú sint, die zů dirre verbuntnúst geho^erent, darzů manon, vnd sont die ouch fúrderlich vnd ane fúrzug darzů vffen den aid beholfen sîn, als dauor geschriben stât, ân alle geua^erde. Wa^er ouch, das ieman der vorgenanten herren, stette oder wer sú sint, die zů dirre verbuntnúste geho^erent, deka^enen schaden ta|tin, den sol man in den vorgenanten stetten noch in den vestinan der herren oder wer sú sint, die zů dirre verbuntnúst geho^erent, deka^enen va^elen ko^vf geben. Ka^em ouch dehainer in gewalt herren, stette oder wer sú wa^erin, die in dirre verbuntnúste sint, der deha^enen der selben herren, stette oder wer sú sint, die in dise verbuntnúste ho^erent, geschadgat hette, die sine diener oder sine helfer sol der herre, dú stat oder wer er ist, die in dirre verbuntnúste sint, in des gewalt sú koment, angrîffen in alle wise als inen der schade geschehen wa^ere, ane geu^erde, darnah so es inen vrkundet wirt von den, die da geschadgot sint. Gescha^eh ouch, das ieman, er si herre, ritter oder kneht oder wer er ist, dekainen schaden ta^eti dien, die in dirre verbuntnúste sint, es sigen herren, stette oder wer si sint, vnd inen verbotscheftat wrde, das sú widerta^etin von den, die sú geschadgot hant oder von den, den es verbotscheftet wirt, widerta^etin sú danne niht, vffen den vnd vffen die vnd vffen alle ir diener vnd helfer sol man beholfen sîn, als da vor geschriben stât, vnd wer sú enthaltet, hûset oder houet oder in ratet oder hilfet mit worten oder mit werchen, vffen den vnd vffen die sol man beholfen sîn vffen den aid gelicher wîse als uffen den, der den schaden hat getân, vnd vffen alle die, so der rât erkennet, der es billichen erkennen sol, als dirre brief stât, zů den sú reht hant. Was krieges ouch in den vorgenanten ziln vf erstu^ende vnd die wile disú verbuntnúste werat vnd von dehainem, der zů dirre verbuntnúste ho^eret, er si herre, stat oder wer er ist, der^q) angegriffen oder geuangen wrdi, den sol man als lange beholfen sîn, vntz der krieg versu^enet wirt. Es ist ouch namlich beret, das dehain herre, stat oder wer er ist, die zů dirre verbuntnúste geho^erent, deka^enem kúnge noch herren beholfen so|llin sîn von dirre verbuntnúste wegen, sú tu^egen es denne gern. Wa^ere aber, das dekain herre, stat oder wer sú sint, die in dirre verbuntnúste sint, dekainem kúnge oder herren dienan woltin, was den in dem dienste gescha^ehe, darzů sol man nút beholfen sîn, wan^r) tu^ege es denne gerne. Es mugent ouch die von Megintz^s), von Wrmes^t) vnd von Spire^u) zů in enpfahen in dise verbuntnúste herren vnd stette oder wer sú sint^v), die sú erkennent vffen ir aid alle in iren ra^eten oder das mere tail vnder in, das sú zů dirre verbuntnúste nútze vnd gůt sint, das selbe mugent vnd sont ouch tůn in gelicher wise die von Straspurg^d), von Basel^w) vnd von Vriburg^x), das selbe mugend ouch tůn gelicher wise die von Kostentz^y), von Zúrich^z), von Lindowe vnd von v´berlingen^aa), das selbe mugend ouch tůn gelicher wise von Kiburg vnd von Bern^ab) die vorgenanten vnd die von sant Gallen^ac). Ouch ist beret, das anhainer, die zů dirre verbuntnúste geho^erent, es sigen herren, stette oder swer sú sint, vffe die andern, die in dirre verbuntnúste sint, spise sol geben, vnd wa^ere das ieman dehainem, der zů dirre verbuntnúste ho^erent, es sigen herren, stette oder swer sú sint, schadgeti oder spise wolti schikken den, die vffen sú zogtin oder schaden ta^etin, das son die andern, die zů dirre verbuntnúste geho^erent, wêrren vnd wenden vffen den aid, als verre sú kunnent vnd mugend âne geua^erde, vnd sont ouch die herren vnd stette oder swer sú sint, hinderwert angrîffen, die vffen sú gezoget sint oder spise hant geschikket. Es ensol ouch den von Straspurg^ad) niht schaden in dirre verbunnúste, ob sú den nidern lantfrid lengeront vnd in haltent oder ob si ietzunt iemanne deka^ene helfe schuldig wa^erint ze tu^enne oder hernah schuldig wrdin von des selben lantfrides wegen. In dirre verbuntnúste ist das riche ûs genomen, doch mit der beschaidenhait, wa^ere das dehâner, die zů dirre verbuntnúste geho^erent, es sigen herren, stette oder swer sú sint, geschadgot wrdin von herren, stetten oder von iemanne, wer die wa^erint, vnd das der rât der stette oder das mere tail des rates, der es billich erkennen sol, vffen den aid erkennent, das sú geschadget sint wider dem rehten oder das man sú trenge an ir rehten, den sol man vffen den aid beholfen sin in alle wîse, als es inen geschehen wa^ere, vnd sol sú dawider nút schirmen deka^enes der vorgeschribenen oder der nahgeschribenen dinge. Den von Straspurg^d), den von Basel^ae) vnd den von Vriburg^x) sol ouch in dirre verbuntnúste niht schaden, ob sú in den obern lantfride in Elsasse^af) koment. So habent die von Megintz^ag), die von Wrmes^ah), die von Spire^ai), die von Straspurg^d), die von Basel^ae), die von Kostentz^ak) ir herren die bischoffe vnd die von Vriburg^x) ir herren den grauen von Vriburg^x) vnd die von sant Gallen ir herren den abt^al) vˆs genomen, mit so|licher beschaidenhait, das ie dú stat wider iren herren nút beholfen wil sîn, es wa^ere danne, das die selben herren alle oder etlicher vnder in helfer wolti sin wider die, die zů dirre verbuntnúste ho^erent, vnd welicher der selben herren helfer wolti sîn, als dauor geschriben stât, vffen den sol man beholfen sin, als da vor geschriben stât, ân alle geua^erde. Die von Vriburg^x) hant ouch iren herren sunderlich in disen dingen vs genomen, mit so^elicher beschaidenhait, wa^ere das der selbe herre sines aides gemant wrdi von des lantfrides wegen in Elsasse^am), den er vor^an) gesworn het vffe dehainen, die in dirre verbuntnúste sint, es sigen herren, stette oder swer sú sigen, das er vffen sú zogende wrde, so sol im dekain burger von Vriburg^x) oder den sú ze gebieten hant, darzů beholfen sîn, vnd sont das die von Vriburg^x) verwarten vnd versehen vffen den aid, als verre sú kunnent vnd mugent, ane geua^erde, vnd sont doch die von Vriburg^x) den, die in dirre verbuntnúste sint, beholfen sîn uffen die, die vffen sú zogent. Wenne aber der vorgenant herre von Vriburg^x) von des lantfrides gezoge wider hain komet, darvmb son in die von Vriburg^x) niht angrîfen, wolti aber der selbe herre súnderliche geta^ete tůn vffen der^ao) deka^enen, die zů dirre verbuntnúste ho^erent, so sont in die von Vriburg^x) vffen in beholfen sîn anzegrifende, ân alle geua^erde. Die von Berne^ap) hant ouch ir aidgenôssen vor behebt, als sú inen mit aiden vor dirre verbuntnúste gebunden waren, ane geua^erde. Was herren oder stette oder wer sú sint hinnanfúr in dise verbuntnúste enpfangen werdent, die son brieue vnd insigel geben vnd ouch swerren, dise verbuntnúste sta^et zehabenne in alle wîse, als hie vor geschriben stât, vnd sol man in ouch beholfen sîn, als du selbe verbuntnúste stât, ane geua^erde. Gescha^eh ouch, das den vorgenanten grauen von Kiburg^aq) deka^en schade oder krieg anuiele in dirre verbuntnúste, als da vor geschriben stât, das sol er dem râte von Berne verbotscheftan, vnd erkennet sich denne der selbe rât oder der mere tail des rates^ar), das im vnreht si geschehen vnd wider dem rehten geschadgot, so sol man im beholfen sîn in alle wise, als dauor geschriben stât. Was herren ouch hin nanfúr in dise verbuntnúste genomen werdent, da sol der rât oder der mere tail des rates der stette, die in dirre verbuntnúste sint, dú im danne^as) aller na^ehste gelegen ist, erkennen in alle wise, als der rât von Berne vmb den grauen von Kiburg^at) erkennet vnd erkennen sol, als da vorgeschriben stât. Das ouch wir die vorgenanten herren vnd stette deste fridlicher vnd frúntlicher geleben mugen, so haben wir mit gemainem můte gemachet vnd sint v´berain komen, das deka^en burger der vorgenanten stette den andern bekúmberren sol danne den waren schuldner, wolti aber dehain burger der vorgenanten stette den andern ze rede setzen in der stat, da der schuldner inne gesessen ist, vmb dekainer hande schulde, die er im schuldig ist, dem sol man rihten vnuerzogenlich, logent aber der schuldner der schulde vnd wil in der kleger erzúgan, das sol er tuon mit biderben luten, die da bi sint gewesen, da dú schulde gemachet wart, oder mit brieuen, die billich helfen sont vnd mugent, vnd sol man ouch die darvmbe ho^eren vnd dem cleger^au) darnach rihten an alle geua^erde. Vnd durch das, das dis alles sta^ete gantz vnd vnzerbrochen belibe, haben wir die ra^ete vnd burger der vorgenemten stette ze Kostentz, Zurich, ze Lindowe, ze úberlingen vnd ze sant Gallen^av) v´nsrú insigel fúr v´ns gehenket an disen brief. Vnd geschah dis vnd ward ouch dirre brief geben an v´nsers herren gottes vffart abent, do man zalt von siner gebúrtte drúzehenhundert jâr vnd siben vnd zwainzig jâre.

Source Fulltext: Chartularium Sangallense VI, Nr. 3315, S. 12-15.