Universis Christi fidelibus ad quos presens scriptum pervenerit nos Hainricus decanus in Regezh^a)1, Albertus rector ecclesie in Walastad², V^olricus rector in Maienvelt³, Burkardus rector in Sangans⁴, Cůnradus incuratus in Mails⁵ ceterique confratres premissi decanatus sacerdotes sive rectores, plebani seu viceplebani ecclesiarum in eodem decanatu constitutarum salutem et orationes in Christo devotas. Quia vidimus et cum diligentia notavimus in oppido dicto Sangans ad capitulum seu confraternitatem vocati litteras venerabilis in Christo patris et domini nostri Iohannis⁶, dei et apostolice sedis gratia electi et confirmati episcopi Curiensis, ac reverendorum dominorum Friderici decani⁷ tociusque capituli liberum assensum et expressum litteris in eisdem super donacionem factam monasterio Fabariensi a predicto domino . . episcopo de ecclesia in Regezh^a) pertinente, cum primum vacaverit ad monasterium prelibatum cum omnibus suis appendiciis et iuribus universis, ideo veritati premissorum tenore presencium testimonium ferimus, prout ipsa gesta sigillis dicti domini . . episcopi et capituli Curiensis firmata sunt et stabilita per litteras scriptas in hec verba⁸:||
Iohannes dei et apostolice sedis gratia electus et confirmatus in episcopum ecclesie Curisensis omnibus presentes litteras inspecturis subscriptorum noticiam et sinceram in domino karitatem. Sollicitudo nostri officii suo debito nos inducit, quod religiosis personis nostre dyocesis, qui se et suis abnegatis carne sua cum viciis et concupiscenciis crucifixa die ac nocte domino serviunt in timore, ad assequendum vite necessaria temporali remedio consulamus, ut curam temporalium deponencium et deo devote famulancium numerus feliciter augeatur. Nos igitur oculo debite consideracionis attendentes, quod religiosi viri . . abbas et conventus monasterii Fabariensis, ordinis sancti Benedicti, nostre dyocesis, propter discordiam seu gwerras, que diu duraverunt inter reverendum patrem Růdolfum dei gracia quondam episcopum Curiensem precessorem nostrum et nos nomine ecclesie nostre Curiensis necnon nobilem virum dominum Donatum de Vazh^a), in predis animalium, exustione domorum, sterilitate possessionum et fugacione colonorum ad tantam deverunt penuriam, quod hospitalitatem hactenus in eodem monasterio observatam continuare non possunt et alia onera dicto monasterio incumbencia propter defectum necessariorum nequeunt subportare. Eapropter ipsis in premissis compacientes et cupientes eorum defectibus subvenire, ecclesiam parrochialem in Regezh^a) nostre dyocesis, cuius ius patronatus ipsis pertinet, cum filia sua in Valennes ac omnibus pertinenciis earundem necnon proventibus, obventionibus, libertatibus et iuribus quibuscumque cum sollemni tractatu nostri capituli voluntate prehabita et consensu salvis iuribus nostris, ecclesie nostre et archydiaconi, qui pro tempore fuerit ibidem, contulimus, tradidimus et donavimus ipsorum mense et usibus perpetuo servituram, dantes dicto . . abbati et conventui plenam potestatem, cum ipsam ecclesiam vacare contigerit, propria auctoritate per se vel per alium eandem ingrediendi et possessionem eius nanciscendi, obvenciones, fructus, redditus et proventus eiusdem suis usibus applicandi et in usus dicti monasterii convertendi absque requisicione cuiusquam. Et quod abbas, qui pro tempore fuerit, nobis et successoribus nostris sacerdotem ydoneum, religiosum sui monasterii predicti vel secularem, prout ecclesie in Regezh^a) et monasterio suo magis expedire viderit, sub prebenda sufficienti per quam hospitalitatem servare et nobis et ecclesie nostre de iuribus episcopalibus valeat respondere, sibi de fructibus ecclesie assignata investiendum de cura animarum ipsius ecclesie offerat et presentet, cum dicta ecclesia eidem monasterio satis sit vicina. Et ne predicta donacio seu tradicio facta simpliciter propter deum et augmentum divini cultus per nos, nostrum capitulum seu successores nostros aut quemcumque alium in posterum irritetur aut aliqualiter valeat retractari, presens instrumentum nostro et capituli nostri sigillis prenominatis . . abbati et conventui tradidimus sigillatum. Nos Fridericus decanus totumque capitulum ecclesie Curiensis premissis omnibus nostrum consensum confitemur affuisse liberum et expressum. Et in eius evidenciam nostri capituli sigillo hanc paginam fecimus sigillari. Datum et actum in civitate Curiensi anno domini M°CCC°XXVII, VllII kl. febr., indictione X^a. ||
In huius itaque publicacionis evidenciam facte in congregacione nostra, sicut premisimus, nos prenominati . . decanus et ceteri propria penes nos habentes sigilla ipsa presentibus duximus appendenda pro testimonio omnium premissorum, que nobis sunt ostensa vero robore et^b) auctoritate domini . . episcopi prelibati et capituli Curiensis firmata et patenter communita. Datum in Sangans anno domini M°CCC°XXVIII, indictione XII^a, IIII. non. octobr.

Source Fulltext: UB der südl. Teile des Kantons St. Gallen II/7, Nr. 1289, S. 414-415.