Nos magister Iohannes de Luceria¹, iudex et canonicus ecclesie Curiensis, universis presentium inspectoribus salutem in domino. Quia litteras venerabilis in Christo patris et domini nostri Iohannis, dei gratia electi et confirmati episcopi Curiensis, ac reverendorum dominorum Friderici decani² tociusque capituli ecclesie nominate traditas honorabilibus ac religiosis dominis . . abbati et conventui monasterii Fabariensis super donacione ecclesie in Regezh^a), ipsis abbati et suo conventui facta a prenominato domino episcopo . . et eius ex assensu capituli prenominati roborata et firmata, veris eorundem dominorum episcopi et capituli sigillis communitas vidimus et perlegimus scriptas iuxta hunc tenorem:||
Iohannes³ dei et apostolice sedis gratia electus et confirmatus in episcopum ecclesie Curiensis omnibus presentes litteras inspecturis subscriptorum noticiam et sinceram in domino karitatem. Sollicitudo nostri officii suo debito nos inducit, quod religiosis personis nostre dyocesis, qui se et suis abnegatis carne sua cum viciis et concupiscenciis crucifixa die ac nocte domino serviunt in timore, ad assequendum vite necessaria temporali remedio consulamus, ut curam temporalium deponencium et deo devote famulantium numerus feliciter augeatur. Nos igitur oculo debite consideracionis attendentes, quod religiosi viri . . abbas et conventus monasterii Fabariensis, ordinis sancti Benedicti, nostre dyocesis, propter discordiam seu gwerras, que diu duraverunt inter reverendum patrem Rv^odolfum dei gracia quondam episcopum Curiensem precessorem nostrum et nos nomine ecclesie nostre Curiensis necnon nobilem virum dominum Donatum de Vazh^a), in predis animalium, exustione domorum, sterilitate possessionum et fugacione colonorum ad tantam devenere penuriam, quod hospitalitatem hactenus in eodem monasterio observatam continuare non possunt et alia honera dicto monasterio incumbentia propter defectum necessariorum nequeunt subportare. Eapropter ipsis in premissis compacientes et cupientes eorum defestibus subvenire, ecclesiam parrochialem in Regezh^a) nostre dyocesis, cuius ius patronatus ipsis pertinet, cum filia sua in Valennes ac omnibus pertinenciis earundem necnon proventibus, obvencionibus, libertatibus et iuribus quibuscumque cum sollemni tractatu nostri capituli voluntate prehabita et consensu salvis iuribus nostris, ecclesie nostre et archydiaconi, qui pro tempore fuerit ibidem, contulimus, tradidimus et donavimus ipsorum mense et usibus perpetuo servituram, dantes dicto abbati et conventui plenam potestatem, cum ipsam ecclesiam vacare contigerit, propria auctoritate per se vel per alium eandem ingrediendi et possessionem eius nanciscendi, obvenciones, fructus, redditus et proventus eiusdem suis usibus applicandi et in usus dicti monasterii convertendi absque requisicione cuisusquam. Et quod abbas, qui pro tempore fuerit, nobis et successoribus nostris sacerdotem ydoneum, religiosum sui monasterii predicti vel secularem, prout ecclesie in Regezh^a) et monasterio suo magis expedire viderit, sub prebenda sufficienti, per quam hospitalitatem servare et nobis et ecclesie nostre de iuribus episcopalibus valeat respondere, sibi de fructibus ecclesie assignata investiendum de cura animarum ipsius ecclesie offerat et presentet, cum dicta ecclesia eidem monasterio satis sit vicina. Et ne predicta donacio seu tradicio facta simpliciter propter deum et augmentum divini cultus per nos, nostrum capitulum seu successores nostros aut quemcumque alium in posterum irritetur aut aliqualiter valeat retractari, presens instrumentum nostro et capituli nostri sigillis prenominatis . . abbati et conventui tradidimus sigillatum. Nos Fridericus decanus totumque capitulum ecclesie Curiensis premissis omnibus nostrum consensum confitemur affuise liberum et expressum. Et in eius evidentiam nostri capituli sigillo hanc paginam fecimus sigillari. Datum et actum in civitate Curiensi anno domini M°CCC°XXVII°, VllII kl. febr., indictione X^a.||
Igitur nos iudex prelibatus tam premisso tenori litterarum quam ipsi facto, cui et nos interfuimus ac liberum prebuimus assensum, ad omnia premissa tenore litterarum presencium sub sigillo iudicii ecclesie Curiensis testimonium perhibemus ad maiorem evidenciam veritatis in omnibus premissis futuris et presentibus per assertionem nostram hic litteraliter insertam patefaciendam. Datum Curie anno domini M°CCC°XXIX°, IIII kl.||
ianuarii, indictione XII^a.

Source Fulltext: UB der südl. Teile des Kantons St. Gallen II/7, Nr. 1291, S. 417-418..