P + In nomine sanctę et individuę trinitatis. Fridericus divina favente dementia Romanorum imperator augustus. + Si religosorum^a) virorum dignis peticionibus acquiescimus, si bona ecclesiis dei collata conservamus, conservata quoque imperialibus scriptis corroboramus, antecessorum nostrorum regum sive imperatorum exempla imitamur et id nobis tam ad presentis vitę tranquillitatem quam futurę beatitudinem promerendam profuturum non dubitamus. Quapropter omnium Christi imperiique nostri fidelium tam futurorum quam presentium noverit industria, qualiter fidelis noster Heinricus¹ abbas venerabilis Fabariensis monasterii, quod est constructum in honore sanctę dei genitricis Marię, situm in pago Retia Curiensi in comitatu Hugonis² cum monachis sibi subiectis celsitudinis nostrę clementiam adiit humiliter postulans et obsecrans, ut eosdem monachos atque res predicti monasterii propter quorundam hominum perversorum tergiversationes in nostram tuitionem susciperemus atque illorum precepta ac privilegia quę ab antecessoribus nostris acceperunt nostrę auctoritatis munimine renovando confirmaremus electionemque illis concederemus. Insuper etiam ostendit nobis precepta ac privilegia antecessorum nostrorum regum vel imperatorum Karoli, Ludowici, trium Ottonum, Heinrici secundi, Cv^onradi necnon et beatę memorię Heinrici * imperatoris augusti, in quibus continebatur, ut prefati monachi regię vel imperialis defensionem tuitionis super res ad idem monasterium pertinentes habere debuissent. Quorum nos peticioni pro eterna memoria patris coniugisque nostrę Beatricis ipsos monachos et res ad prefatum monasterium pertinentes^b) per hoc imperiale preceptum in nostram tutelam suscepimus, eo quoque tenore, ut nullus publicus iudex dux comes vel vicecomes advocatus aut subadvocatus sive episcopus aut quilibet iudiciaria potestate constitutus aliquam super eos in rebus iuste acquisitis vel acquirendis vel in familiis eorum exerceat potestatem intus vel foris, sed eiusdem monasterii abbas prenominatus eiusque successores ad monachorum usus necessarios potestative teneant atque possideant. Sit vero abbatia illius monasterii libera et ab omni extranea et iniqua potestate secura, nec alicui successorum nostrorum regum vel imperatorum liceat eam vel res suas alteri monasterio aut personę inbeneficiare aut in proprietatem donare. Concessimus namque eis electionem et potestatem firmissimam quemcumque inter eos abbatem voluerint eligere, quatinus eos pro nobis libentius deum delectet exorare. Et ut hęc presentis precepti auctoritas firmior stabiliorque nostris fidelibus credatur, hanc cartam inde conscribi et sigilli nostri impressione insigniri iussimus. Si vero, quod absit, aliquis huius precepti nostri paginam violaverit, XXX^a libras auri purissimi componat, quarum partem dimidiam camerę nostrę reliquam vero predictę ęcclesię persolvat. Huic autem nostrę confirmationis precepto testes ydoneos adhibuimus, quorum nomina hęc sunt: Hermannus Constanciensis episcopus³, Cu^onradus Wormaciensis episcopus⁴, Wernherus sancti Galli abbas⁵, Albertus Campidonensis abbas⁶, Fridericus dux Sueuorum⁷, comes Rudolfus de Phullendorf⁸, Rudolfus de Lenzeburch⁹.||
+ Signum domni Friderici Romanorum imperatoris invictissimi. + (M.) (SI. D.)||
Ego Reinaldus¹⁰ cancellarius vice Arnaldi Magontini¹¹ archiepiscopi et archicancellarii recognovi^c).||
Datum Ulmę VII. id.^d) febr., indictione V^a., anno dominicę incarnationis M°C°L°||
VIII°, regnante domno Friderico Romanorum imperatore invictissimo anno regni eius VI°, imperii vero III°.

Source Fulltext: UB der südl. Teile des Kantons St. Gallen I/3, Nr. 183, S. 167-168.