P + In nomine sancte et individue trinitatis. Cunradus divina favente dementia Romanorum rex secundus. + Si religiosorum virorum dignis petitionibus acquiescimus, si bona ecclesiis dei collata conservamus, conservata quoque regalibus scriptis corroboramus, antecessorum nostrorum regum sive imperatorum exempla imitamur et id nobis tam ad presentis vitę tranquillitatem quam futurę beatitudinem promerendam profuturum non dubitamus. Quapropter omnium Christi nostrique fidelium tam futurorum quam presentium noverit industria, qualiter fidelis noster Wicrammus abbas venerabilis Fabariensis¹ monasterii, quod est constructum in honore sancte dei genitricis Marię situm in pago Retia Curiensi in comitatu Rodulfi¹ cum monachis sibi subiectis celsitudinis nostrę clementiam adiit humiliter postulans et obsecrans, ut eosdem monachos atque res predicti monasterii propter quorundam hominum perversorum tergiversationes in nostram * tuitionem susciperemus atque illorum precepta ac privilegia^b), quę ab antecessoribus nostris * acceperunt, nostrę auctoritatis munimine renovando confirmaremus electionemque illis concederemus. Insuper etiam ostendit nobis precepta ac privilegia antecessorum nostrorum regum vel imperatorum Karoli, Ludouuici, trium Ottonum, Henrici II., Cu^onradi necnon et beatę memorię Heinrici avunculi nostri imperatoris augusti, in quibus continebatur, ut prefati monachi regie vel imperialis defensionem^c) tuitionis super res ad idem monasterium pertinentes habere debuissent. Quorum nos petitioni pro eterna memoria patris coniugisque nostrę Gertrudis ipsos monachos et res ad prefatum monasterium pertinentes per hoc regale preceptum in nostram tutelam suscepimus^d), eo quoque tenore ut nullus puplicus iudex dux comes vel vicecomes advocatus aut subadvocatus sive episcopus aut quilibet iudiciaria potestate constitutus aliquam super eos in rebus iuste acquisitis vel acquirendis vel in familiis eorum exerceat potestatem intus vel foris, sed eiusdem monasterii abbas prenominatus eiusque successores ad monachorum usus necessarios potestative teneant atque possideant. Sit vero abbatia illius monasterii libera et ab omni extranea et iniqua potestate secura, nec alicui successorum nostrorum regum vel imperatorum liceat eum vel res suas alteri monasterio aut personę inbeneficiare aut in proprietatem donare. Concessimus namque eis electionem et potestatem firmissimam quemcumque inter eos abbatem voluerint eligere^e), quatenus eos pro nobis libentius deum delectet exorare. Et ut hęc presentis auctoritas precepti firmior stabiliorque nostris fidelibus credatur, hanc cartam inde * scribi et sigilli nostri impressione insigniri iussimus *. Si vero, quod absit, aliquis huius precepti nostri^f) paginam violaverit, XXX libras auri purissimi componat, quarum partem dimidiam^g) camerę nostrę reliquam vero predictę ęcclesię persolvat. Huic autem nostre confirmationis precepto testes idoneos adhibuimus, quorum nomina hęc sunt: Albero Treuirensis² archiepiscopus et apostolice, sedis legatus, Ortliebus Basileensis episcopus³, Embricho Wirceburgensis episcopus⁴, Bucco Wormatiensis episcopus⁵, Warnerus Monasteriensis episcopus⁶, Albero Leodiensis episcopus⁷, Fridericus dux⁸, Cu^onradus dux⁹, Matheus dux¹⁰, Herimannus marchio de Batha¹¹ et ceteri quamplures.||
+ Signum domni Cu^onradi Romanorum regis invictissimi. + (M) (SI. D.)||
+ Ego Arnoldus cancellarius vice Alberti archicancellarii recognovi. +||
Anno dominicę incarnationis MCXXXVIIII, indictione II, regnante Cu^onrado Romanorum rege II. anno vero regni eius II. Data V. kl. iunii Argentinę^h) in Christo feliciter. Amen.

Source Fulltext: UB der südl. Teile des Kantons St. Gallen I/3, Nr. 170, S. 160-161.