Universis sancte || matris ecclesie filiis, ad quos presentes littere pervenerint, nos miseracione divina Jacobus Leo||patrensis, Cosmas Saraensis, Nicolaus Laicisanensis archiepiscopi, Albertinus Surmenensis, Lazarus || Botrontinensis, Philippus Lauatensis, Robertus Dauatensis, Raphael Archadensis, Egidius Fauariensis, Johannes Armirotensis, Petrus Suaciensis¹, Augustinus Salubriensis episcopi salutem in domino sempiternam. Splendor paterne glorie, qui sua mundum illuminat ineffabili claritate, pia vota fidelium de clemencia et eins maiestate sperancium tunc enim favore benigno prosequitur, cum devota ipsorum humilitas sanctorum meritis et precibus adiuvatur. Cupientes igitur, ut capella infra muros opidi sancti Galli Constanciensis diocesis fundata in honore sancti Tuotelonis et sancte Katherine² congruis honoribus frequentetur et a Christi fidelibus iugiter veneretur, omnibus vere penitentibus contritis et confessis, qui ad dictam capellam in singulis beate Marie virginis festivitatibus ac omnibus aliis infrascriptis videlicet natalis domini, circumcisionis, epiphanie, per totam quadragesimam parasceves, pasche, ascensionis, penthecostes, trinitatis et corporis Christi, invencionis et exaltacionis sancte crucis, sancti Michaelis, sanctorum Petri et Pauli apostolorum et omnium aliorum apostolorum, sancti Johannis Baptiste et Ewangeliste et omnium aliorum ewangelistarum et quatuor sancte Romane ecclesie doctorum, in die omnium sanctorum et commemoracione animarum dicteque capelle dedicacionibus, sanctorum Stephani, Galli, Georgii, Laurencii, Martini, Nicolai, Erasmi ac sanctarum Marie Magdalene, Marthe, Anne, Margarete, Vrsule, Dorothee, Barbare, Elizabeth [et per]^a) octavas omnium festivitatum predictorum octavas habencium singulisque diebus dominicis et festivis causa devocionis oraci[on]is^a) aut peregrinacionis accesserint seu qui missis vesperis predicacionibus aut aliis divinis officiis presbiteri infrascripti seu ib[idem]^a) interfuerint vel corpus Christi seu oleum sacrum infirmis cum portantur secuti fuerint aut qui in serotina pulsacione campane flexis genib[us ter]^a) Ave Maria dixerint vel qui ad fabricam dicte capelle luminaria ornamenta libros calices aurum argentum animalia tam in eorum testamentis [quam e]xtra^a) donaverint legaverint seu donari legari procuraverint seu quovis alio modo dicte capelle manus porrexerit^b) adiutrices [vel q]ui^a) pro salubri statu domini episcopi presencium confirmatoris nec non pro Eygnolfo de Huntwille³ presbitero capellano eiusdem capelle ac [Jo]he^a) dicto Saerri subdiacono de sancto Gallo harum impetratorum ac pro animabus amicorum et benefactorum suorum et aliis Christi fidelium in p[urgat]orio^a) existentibus pie deum oraverint, quandocumque quocienscumque vel ubicumque premissa vel aliquod premissorum devote fecerint, d[e||
omni]potentis^a) dei misericordia et beatorum Petri et Pauli apostolorum eius auctoritate confisi singuli nostrum quadraginta dies indulgenciarum de iniunctis eis penitenciis misericorditer in domino relaxamus, dummodo diocesani voluntas ad id accesserit et consensus. In quorum omnium testimonium sigilla nostra presentibus sunt appensa. Datum Auinione anno domini millesimo trecentesimo sexagesimo secundo, indictione quintadecima, die decima mensis decembris, pontificatus domini Vrbani pape quinti anno primo.

Source Fulltext: Chartularium Sangallense VIII, Nr. 4840, S. 56-57.