Wir^a) Cůn von gottes gnaden abt des gotzhus ze sant Gallen¹, das a^vn alles mittel zů geho^ert dem || stůl ze Ro^vm, veriehent mit disem brief vnd tůnd kund, das fúr vns kam ze Wil² in vnsers gotzhus stat || an sant Laurentzius tag der beschaiden Johans von Brunberg³ vnsers gotzhus dienstman mit Meht||hilden⁴ siner elichen wirtinnen vnd veriahent offenlich vor v´ns vnd sprachen, das si von v´ns vnd vnserm vorgeschribnen gotzhus ze lehen hettint die manschafft v´ber disú gu^eter, die si fúrbass von der hand gelihen habint, das ist v´ber ain schůppass ist gelegen ze Nidrenbatzzenhaid⁵, die Ru^edi Brand bûwt vnd haisset der Schmidberger schůppas, die si Hansen von Schmidberg⁶ vnd Hainin von Schmidberg gevettern gelihen hand, item v´ber das halb gůt, dz man nempt Tyffenrúti⁷, mit aller zů geho^ert, dz si och hand gelihen V^elin von Husen⁸ dem wirt vnd Hansen von Husen gevettern, vnd gabent v´ns do ze ma^vl die selben Johans von Brunberg vnd Mehthild sin elichi wirtinne wolbedahtklich ledklich vnd frilich mit gůtem willen die obgeschribnen manschafft vber die vorgenanten gu^eter vff an vnser hand zů des vorgenanten vnsers gotzhus handen vnd statt, wie reht sitt vnd gewonlich was vnd als es krafft vnd maht haben sol vnd mag ietz vnd hie nah, vnd entzigent sich och da mit redlich vnd reht fúr sich vnd alle ir erben gen vns gen v´nserm vorgenanten gotzhus vnd vnsern nahkomen vnd gen den vorgenanten gu^etern mit aller zů geho^erd vnd verzihent sich o^vch mit disem brief aller manschafft aller lehenschafft aller gewer aller kuntschafft aller besatzzung aller zúgnust lút vnd brief, die si ietz habint oder hie nah iemer me in kúnftigen ziten funden werdent, alles rehten gaistlichen vnd weltlichen gerihtes aller vordrung vnd ansprach, so si oder ir erben ald ieman andrer von ir wegen zů der vorgeschribnen lehenschafft vnd manschafft ald zů den gu^eter ietz gehebt habint oder hie nah iemer me gehaben gewinnen vnd erwerben mo^ehtint von reht von gewonhait oder von dehainen andren sachen, wie ieman erdenken kan. Wa^er o^vch, dz der vorgenant Johans von Brunberg oder Mehthild sin elichi wirtinne ald ir erben oder ieman andrer von ir wegen iemer me ietz oder hie nah dehain brief kuntschafft ald vrkúnd fundint von der obgeschribnen manschafft wegen, die selben brief kuntschafft vnd vrkúnd so^ellent den vorgenempten Johansen von Brunnberg vnd Mehthilden siner elichen wirtinnen vnd ir erben vnd allen den, die es fúrbúten zo^egent vnd fúrbringent, ga^entzlich ab tod vnd vnkrefftig sin vnd inen dehain nútz fromen noch vrschutz bringen an gaistlich(em) noch weltlichem gerihten noch an dehainen stetten vnd v´ns vnsern nahkomen vnd vnserm vorgenanten gotzhus vnd och den, dien wir die vorgenanten gu^eter gelihen habint, an der manschafft vnd lehenschafft vnscha^edlich sin sol. Vnd ze vrkúnd dirr ding haben wir abt Cůn da obgenant vnser insigel offenlich gehenkt an disen brief. Wir Johans von Brunberg dienstman des vorgenanten gotzhus vnd Mehthild sin elichi wirtinne veriehent, dz alles das war ist, so von v´ns^b) da ob an disem brief verschriben sta^vt, vnd ze noch merer sicherhait derselben ding han ich Johans von Brunberg min aigen insigel offenlich gehenkt an disen brief. Ich Mehthild egenant han gebetten Hiltpolt von Wittenwille⁹, der min zů gebner vogt ist, dz er sin insigel fúr mich vnd min erben gehenkt ha^vt an disen brief, des ich Hiltpolt von Wittenwille vogt der egenanten Mehthilden vergich, dz ich von der selben Mehthilden bett wegen min insigel fúr si vnd ir erben gehenkt han^c) an disen brief. Der geben ist in^d) dem jar, do man zalt von Cristi gebúrt tusent drúhundert ahtzig vnd nún jar.

Source Fulltext: Chartularium Sangallense X, Nr. 6342, S. 585-586.