Allen, die disen brief ansehent, lesent oder ho^erent lesen, tůn ich Johans von Haidelberg¹ ritter kunt vnd || vergih offenlich an disem brieue fúr mich vnd fúr alle min erben vnd nahkomen, das ich mit gůter vorbetrah||tunge vnd beschaidenhait willeklichen gesworn han ainen gelêrten aid ze den hailgen, dem êrwirdigen minem gna^e||digen herren von gottes gnaden abt Herman des gotzhus ze sante Gallen² vnd sinen nahkomen mit der burg ze Singenberg³ getrúlich ze wartenne vnd in vnd sîn nahkomen vnd ir gewissen botschaft, wenne sú es an mich vordrant, ân allen fúzug^a) în vnd vˆs ze lassenne ze schimpfe vnd ze ernst, ze nôt vnd ane nôt, gewâffent vnd vngewâffent. Vnd ze ainem wâren vrkúnde vnd ze ainer sta^etun sicherhait der vorgeschriben dinge henk ich min insigel an disen brief. Der geben ward ze sante Gallen in der stat, do man zalte von gottes geburt drúzehenhundert jâr, viertzeg jâr, darnah in dem vierden jâre, an sant Johans abent des Tôffers.

Source Fulltext: Chartularium Sangallense VI, Nr. 3894, S. 440-441.