Allen, die disen brief an sehent alder ho^erent lesen, kvnden wir fro Adelheit wittewe hern || V^olrichs seligen von Regensberg¹ wirtinne was^a), vnd Lvtolt von Regensberg² ir sun frie in || Costenzer bistv^ome vnd veriehen offenlich an disem brieve, das wir vns an des erwirdigen herren .. || des abtes des gotzhuses ze sant Gallen vnd an des capitels hant enzigen hein vnd enzihen an disem brieve ledeklich vnd mit vnserm gv^oten willen aller der rehtunge vnd aller der ansprache, die wir an den kelnhof ze Dielstorf³ vnd an swas dar in ho^eret vnz her hatten, also das wir das vorgenande gotzhus an dem vorgenanden gv^ote niemer bekvmberren son noch girren vmb die Sache, so wir vntz her mit ein ander gehebt hein vmb das vorgenande gv^ot. Dar zv^o binden wir o^vch zv^oz vns alle vnser nahkomenden erben, stete ze habenne mit gv^oten trvwen vnd âne var alles, das hie vor an disem brieve geschriben ist. Vnd zeinem offenen vrkvnde der vorgeschribenen dinge so besigellen wir disen brief mit vnser beider ingesigele. Dis beschach Zvrich, da och dierre brief wart geben, do man zalte von gottes geburt drvzehenhundert iar, dar nah in dem sehsten iare, an der mitchen vor sant Johanses tult des To^vfers, dem man sprichet ze svngihten.

Source Fulltext: Chartularium Sangallense V, Nr. 2655, S. 116.