In gottis namen amen. Wir von gottis gnaden abt H. von sant Gallen¹ kvnden allen den, die disin brief sehint odir iemir ho^erint gilesin, das wir II mit vnsirs conuentis von sant Gallen willen, wissinde vnt gunste haben gebin zi ko^vfinne vnt giluhin zi rehtim lehen reht vnt redilich vron || Gůtun Cv^onrates seilgin wirtinne von Hemimberg² vnt V^olr. ir sune die gartin in dem riete zi Wile³, die da heissint des Bůcheggers gartin, || vnt die gartin, die da heissint der Haldunlute gartin, vnt die wise, du da lit bi dem bache vndir vnsirm huse da zi Wile, vmbe zehin marke silbirs Costinzer gilo^etis. Wir haben o^vch inen gebin des akkirs ein juchart, der da lit bi dem wůre, der da horte in vnsirn hof. Widir dem seibin akkir hat du vorginande vro Gůte vnt V^or. ir sun vns vnt vnsirm gotshus gebin den akkir, der da heissit des Woluis akkir, zi einim rehtim widirwehsil. Du vorginanden gu^etir, du wir da gebin haben, du sont geltin an ein viertel funf mutte kernin Wiler messis. Wir der vorginande abt H. von sant Gallen vnt allir der conuent viriehen an disim brieue, das vns vnt vnsirm gotshus die vorgischriben .X. marke zinutze komin sint. Vnt das allis, das an disim briefe gischriben stat, ganz vnt veste bilibe, so henken wir der selbe apt H. vnt alle der conuent von sant Gallen vnsru insigil an disin brief. Dis bischah in der stat zi Wile, do man zalte von gottis giburte druzehinhundirt jare, darnah in dem sehstim jare, an dem naehstim zistag vor sant Johans tult des To^vfers, da zigegin was her H. der propst⁴, her V^olr. von Druhpurg camirer vnsirs gotshus zi sant Gallen⁵, her H. von Griessinberg⁶, her Walther Lesti vnsir capilan, her C. der lutprestir zi Wile, R. der schutheisse^a)7, C. der Altherre, C. der Camirer, V^olr. Lesti von sant Gallen, R. der Bo^esche vnt andir bidirbe lute ginůge. Wir^b) die vorginanden vro Gůte vnt V^olr. viriehen allir der dinge, so hie an disim brieue gischribin stat, vnt won wir eiginir insigil niht haben, so geben wir vnsirm herrin abt H., der hie vor ginemmit ist, vnt dem conuent disin brief bisigilt mit hern Cv^onratis insigil vnsirs lutprestirs zi Wile vnt mit Rv^odolfis des schultheissin da zi Wile zi einir gihugide allir der dinge, so hie gischribin ist. Ich der vorginande her C. vnt ich R. der schultheisse henken vnsru insigil an disin brief durh bette willen der vorginanden vron Gůtun vnt V^olr. ir suns.

Source Fulltext: Chartularium Sangallense V, Nr. 2653, S. 114.