Wir von gottes ginaden abt Hainrich¹ vnd der conuent allersament dez gotzhuses ze sant Gallen kundin allen den, dîe dizen brief II ansehent alder ho^errent lesen, daz wir ainem êrbaeren ritter hern Egelolf von Rosinberg² vnsers gotzhûses dienestman vmbe || sinen ma^enigualtigen dienste, die er vns vnd vnserm gotzhus dik gitân het vnd noch tv^on sol, vns vnd vnse gotzhus haben gebunlden ze lihenne vier march geltes von dien êrsten lehen, so vns alder vnserm gotzhus ledig werdin, âne burge vnd âne maierampt vnd âne lute, vnd dar vmbe haben wir im gigeben ainen vrsatz vmbe drîe march geltes vz vnsers gotzhuses gv^otern, du hîe nah binemet sint, vz dem kelnhof ze Wil³ zwainzig schefel kernen geltes sant Galler messes vnd diu phunt phenning geltes Costenzer münze von der kilchen vnd dez tegans hof gelt ze Bernanc⁴. Wir viriehin o^vch, daz wir dem vorgenempten hern Egelolf die vierden march geltes, vmbe die er niht vrsatzes het, lihen son an dien êrsten lehen, die vnserr abtai ledig werdint, vnd ta^etin wir detz niht, so sol der vorgesprochen herr Egelolf enkain vnserr hêrren von dem closter dar vmbe mv^eien vf sinen closterlehen. Wir vrkundint o^vch, daz vns vnd vnserm gotzhûs als vil geltes an dem vrsatz ledig sol sin, als vil wir im verlihen vber die ainen march an rehten lehen, vnd swenne o^vch daz beschiht, daz wir dem vorgenempten hern Egelolf dekain lehen virlihen, so sol ez stân vf drin êrba^eren mannen hern Růdolf von Roschach kilchinherren ze Roschach⁵, hern V^olrich dem Giel⁶ ritter vnd Růdolf dem schulthaizen von Wil⁷, daz die vf ir wârhait scha^etzen son, wie vil geltes wir den vorgenempten hern Egelolf gewert haben mit den selbon lehen, vnd beschaeh o^vch daz, dez got nieht enwelle, daz der selbon schidemannen ainer alder zwêne enwa^erin, so sol aber du schidunge der vor geschribenen schatzunge stân vf den zwaîn, die dennocht lebent, alder vf dem ainen. Vnd swenne wir den vorgenempten hern Egelolf der vier march geltes nah der vor gesprochenen schidmanne Schatzung gewern an rehten lehen, als da vor benemmet ist, so sol der vor gesprochen vrsatz vns vnd vnserm gotzhus âne alle wider red ledig sin. Vnd daz diz alles sament war si vnd staet bilibe, dar vmbe so gebem^a) wir dem vorgesprochen hern Egelolf dizen brief bisigolt mit vnseren insigel ze ainer sta^eter bewa^erung aller der ding, so an dizem brief geschriben stânt. Dirre brief wart geschriben vnd gegeben in sant Gallen stat, dez jares, do man zalte von gottes geburte druzehinhundert vnd siben jâr, an dem jungesten cistage in dem maien. Ich der vorgenempt herr Egelolf vergih o^vch ain ganze wârhaît aller der ding, so an dizem brief geschriben sint, vnd dar vmbe so hênk ich min insigel an dizen brief ze ainer bewa^erung dirre vergiht.

Source Fulltext: Chartularium Sangallense V, Nr. 2680, S. 134-135.