Ich her Ebirhart von Bu^ele¹ rittir vnd^a) dienstman des gotshus zi sante Gallin kunde allen, die disin brief sehint || aldir ho^erint lesin, das minir tohtir² sun Heinrich der Lo^v von Zukinrieht des kurzin Heinrichis saelgin sun || des Lo^vwin³, dem ich mit rehte zi vogte bin gebin, sich inzigin hat mit minim willin reht vnd redilichin || in minis herrin hant abt Heinrichs von sante Gallin⁴ an des gotshus stat allis des rehtis vnd der lehinschaft, die er hatte an dem zehindin^b) vndir der Steige bi Zibrawangin⁵, den Heinrich der Suse von Wile⁶ hat, vnd gibe darubir dem vorginandin gotshuse zi sante Gallin disin brief mit minim insigil vnd mit Heinrichs mi^c) tohtir suns des Lo^vwin insigil bisigilt. Dis bischah zi Wile in der stat, do man zalte von gottis giburte druzehinhundirt jare, darnah in dem sibindin jare, an sant Vrbans tage, da zigegin warin her Walther Lesti vnsir caplan⁷, Wilh. von Swarzinstein⁸, R. der Schultheis von Wile⁹, Johans der Goltschmit¹⁰ vnd andir bidirbe lute ginuge.

Source Fulltext: Chartularium Sangallense V, Nr. 2679, S. 133-134.