Allen dien, die disen gegenwrtigen brief an sehent alder ho^erent lesen, kund ich V^olrich von Ho^est¹ || amman ze Rineg², das ich durch got vnd durch miner sêl hau willen die va^elle vnd die gela^es der lut II des gotteshuses ze sant Gallen, die in der stat ze Rineg sizzent, die ich von dem vor gesprochen gottes||hus ze phand hat vnd och an den huttigen tag in phandes namen braht han, ledeclich vnd vrilich vf han gegeben dem vor genempten gotteshus vnd vnserm herren von gottes genaden abt Hainrich³, won das ich mir selben behalten han, das ich die va^elle vnd die gela^es von den selben luten samnon vnd in nemen sol von dem huttigen tag vber ain iar, vnd swas da von||
geuallet, das sol ich halbes a^entwrten vnd geben dem vor genemten minem herren abt Hainrich, das ander halptail sol ich selbe han. Vnd das dis war sige vnd sta^et belibe, dar vmb so gib ich dem vor genempten gotteshus disen brief besigelt mit minem insigel ze ainem sta^eten vnd waren vrchund aller der dinge, so an disem brief gescriben sint. Dirre brief wart gescriben vnd gegeben ze Rineg, des iares, do man zalt von gottes geburt druzehenhundert vnd zwelf iar, an sant Johans tag ze sungihten.

Source Fulltext: Chartularium Sangallense V, Nr. 2823, S. 219.