Nos Hyltpoldus dei gra(cia) abbas monasterii sancti Galli¹ ordinis sancti Benedicti Constan(ciensis) dyocesis scriptis presentibus || profitemur, quod ad manus convetus^a) nostri et singulariter omni de conventu nostro promisimus || fide data et nos ad hoc astrinximus et astringimus per stipulacionem sollempnem, dictis dominis || de conventu recipientibus eandem stipulacionem, quod castrum in Schv^owenberk², omnia bona et possessiones³ vacancia nobis et nostro monasterio per mortem quondam Diethegenonis de Castello⁴ militis filii quondam Waltheri de Castello⁵ militis nobis et nostro monasterio retinenda ad usus et utilitates nostri monasterii et ad percipiendos fructus eorundem bonorum reservemus et reservamus presencium per tenorem, ita quod de eodem Castro et de bonis et possessionibus eisdem nullum infeodare debemus, cum ad nos et ad nostrum monasterium, quod defectum patitur rerum temporalium, per mortem prefati Diethegenonis sine liberis decentis^b), nulla per eum legacione facta, redierint et reversa sint, nec eadem castrum et bona donando transferre debemus, vendendo, permutando, obligando vel quovis genere alienacionis in aliam vel alias personas, cuiuscumque condicionis existant, sine nostri conventus||
consensu et scientia specialiter ad hoc adhibitis et expressis, sed volumus, quod predicti castri, possessionum et bonorum predictorum dominium directum et utile, proprietas, usus et usufructus et utilitas nobis et nostris successoribus sine quavis alienacione remaneant illibata, decernentes ex nunc irritum et inane, si secus per nos contra premissa aliqua fuerint attemptata. In quorum evidenciam predicto conventui^c) presentes dedimus nostri sigilli munimine consignatas. Dat. in sancto Gallo, anno domini M°.C°C°C°. XVIIII. VII°. kaln. ianuarii, indic(ti)o(n)e. II^a.

Source Fulltext: Chartularium Sangallense V, Nr. 3037, S. 344-345.