Allen dien, die disen gegenwrtigen brief an sehent alder ho^erent lesen, kunden wir Hainrich || Walther vnd^a) Eberh. von Sulzberg gebrůder hern Hermans sa^eligen sun¹, das wir vns eruarn haint II enwarhait, das der erwirdig herre abt Hainrich des gotteshuses ze sant Gallen² vnserm vatter sa^elig II vergolten het zwainzig march Silbers, vmb die wir in an sprachen. Vnd dar vmb so vrchunden wir an disem brief baidesament, das der vor genemt vnser herre vnd sin gotteshus ga^enzelich vnd ga^erwe ledig sint von der vorderung, so wir zů im hatten vmb die selben zwainzig march. Vnd das dis war sige vnd sta^et belibe, dar vmb so geben wir dem vor genemten vnserm herren disen brief besigelt mit vnser baider insigel ze ainem waren vrchünd dirre dinge. Dirre brief wart gescriben vnd gegeben ze Sulzberg, in dem iar, do man zalt von gottes geburt druzehenhundert vnd zwelf iar, an sant Thomans abent.

Source Fulltext: Chartularium Sangallense V, Nr. 2837, S. 227.