Charter: St. Gallen, Stiftsarchiv (1004-1500) G.1.H.1
Seal description: G.1.H.1
779 You can use the asterisk (*) as a wildcard to search for any number of characters, or the question mark (?) as a wildcard for a single character. (Note, that both can not be used at the beginning!). The search terms can occur anywhere in the document. To search for the occurence of an alternative use the term OR between the search terms. To exclude a term from the search put a minus sign (-) in front of it. To search for a fixed phrase enclose it with quotation marks ("). Putting a tilde (~) a number after the phrase searches for the terms in the phrase within a distance of the given number of words (e.g. "In trinitatis"~6 should find the the classical trinitarian invocation).
The default setting is to search for the precise string entered only neglecting upper and lower case. You can reduce the precision (e.g. to include Umlaute and diacritics) by putting a tilde (~) behind the search term followed by a value betwenn 0 and 1. "Bibliotheque~0.9" will thus find "Bibliotheque" and "bibliothèque", "rozmberka~0.8" will find "rozmberka" and "Rožmberka". 4435 next charter >
Zoom image:
Add bookmark
Edit charter (old editor)
22. März 1379, Zofingen
Der Propst von Schönenwerd gebietet dem Klerus des Bistums Konstanz, die Säumigen zur Zahlung der Zehnten an die Kirche St. Mangen in St. Gallen anzuhalten.Source Regest: Chartularium Sangallense IX, Nr. 5700, S. 360.
Current repository:
StA St. Gallen G.1.H.1.
StA St. Gallen G.1.H.1.
Siegel fehlt.Material: Pergament
Dimensions: 24,5/20 cm
- notes extra sigillum:
- Rückvermerk (15. Jh.): Ammonitio.
Johannesa) de Búttikon prepositus ecclesie Werdensis1 Constan(ciensis) dyocesis iudex unicus in forma ea que de bonis pro honorabilibus || in Christo dominis prebendariis prebendatis ecclesie sancti Mangni extra muros oppidi sancti Galli2 eiusdem dyocesis necnon pro eisdem || prebend(is) ecclesie sancti Mangni suisque iuribus auctoritate apostolica specialiter deputatus discretis viris rectoribus vicariis || incuratis plebanis et viceplebanis ecclesiarum parrochialium sacerdotibus et notariis publicis per civitatem et dyocesim Const(anciensem) predictam ubilibet constitutis, ad quos presentes pervenerint, salutem in domino et mandatis nostris ymo verius apostolicis firmiter obedire. Quia ex et pro parte predictorum dominorum perpetuorum prebendariorum seu beneficiatorum suo et dictarum prebendarum suarum nomine nuper nobis est propositum cum querela, quod nonnulli utriusque sexus homines predicte dyocesis sue salutis inmemores decimas census necnon alia debita et iura eis subtrahunt et solvere neglexerunt et adhuc negligunt in eorundem dominorum prebendarorium et dictarum suarum prebendarum preiudicium dampnum non modicum et gravamen, nobisque cum instan(cia) supplicarunt, ut sibi super premissis aliquibus remediis opportunis providere dingnaremur. Nos huiusmodi petitioni tanquam iuri et equitati consone favorabiliter annuentes vobis omnibus et singulis in virtute sancte obediencie et sub pena excommunicacionis, quam in vos et quemlibet vestrum nostris ymo verius apostolicis in hac parte mandatis contumaciter non parentem, canonica tamen trium dierum monicione premissab), quatenus alter alterum non expectans nec unus pro reliquo se excusans, sed statim visis presentibus in genere et in specie, prout vobis nominati vel in scriptis dati fuerint, omnes et singulos decimarum censuum necnon aliorum iurium et debitorum subtractores debitores detentores ac etiam neglectores moneatis diligenter, quos et nos in genere et in specie monemus, ut infra octo dies a nostre monicionis tempore conputando supradictis dominis prebendariis ecclesie sancti Mangni vel eorum procuratoribus ipsorum nomine de huiusmodi decimis censibus iuribus et debitis sie retentis et neglectis satisfacient cum effectu, monentes nichilominus omnes inde scientes, ut id, quod inde sciunt, detegant et revelent vel nominatim in specie coram nobis medio tempore conpareant causam, quare hec facere non debeant, rationabilem ostensuri, alioquin, si dicti moniti non paruerint, ipsos quos propter hoc exnunc prout extunc videlicet nominatos in specie, reliquos vero in genere auctoritate nostra ymo verius apostolica excommunicamus in hiis scriptis, extunc in genere et in specie excommunicatos singulis diebus dominicis et festivis pulsatis canpanis candelis accensis inter missarum sollempnia publice nuncietis cum conminacione, quod si dicti moniti in dictis excommunicacionum sentenciis sorduerint per quindenam, nos contra ipsos per acriores iuris penas et interdicti sentencias, prout iustum fuerit, procedemus nomina vero monitorum nobis rescribentes, ut contra ipsos nominatim in specie, prout iustum fuerit et severius poterimus, procedere valeamus, presentibus abhinc ad bienium dumtaxat et non amplius valituris. Datum Zouing.3 XXII die mensis marcii, anno domini Mmo.CCCmo.LXX nono, ind. secunda, sub nostri sigilli appensione. Reddite litteras sigillis vestris sigillatas in singnum mandati nostri ymo verius apostolici in hac parte fideliter executi sub pena prenotata.
Source Fulltext: Chartularium Sangallense IX, Nr. 5700, S. 360-361.
Original dating clause: XXII die mensis marcii
Editions:
- UB St. Gallen IV, 1791.
Language:
Notes:
a) Verzierte Initiale J 2,8 cm hoch. - b) Hier fehlt das Verb, wohl mandamus. - 1 Johann XIII. v. Büttikon (Bez. Bremgarten AG), 1363-1387 Propst des Chorherrenstifts Schönenwerd, Bez. Ölten SO. - 2 St. Mangen, Kirche in St. Gallen. - 3 Zofingen, Stadt u. Bez. AG.
Places
- Zofingen
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}