Officialis curie Const(anciensis) omnibus presentes litteras intuentibus rei geste cum noticia subscriptorum. Noverint presencium inspectores universi, quod constituti coram nobis || anno domini millesimo CCC°.L° tercio, feria tercia ante festum beati Jacobi apostoli proxima iudicii in figura V^olr. dictus in der Búnd olim advocatus civitatis Const(anciensis) pa||tronus ecclesie in Henno^vwe¹ et Johannes in der Búnd filius suus rector predicte ecclesie in Henno^vwe ipsorum et dicte ecclesie in Henno^vwe nomine ex una, Johannes dictus Ko^vf||man de Wil² et Eberh. frater suus ex parte altera, prefatus V^olr. tamquam patronus et prescriptus Johannes in der Búnde filius suus tamquam rector predicte ecclesie in Hennowe fatebantur et recognoverunt in iure coram nobis, quod ipsi ex certis inquisicionibus et investigacione seniorum hominum in Henno^vwe et Vtzwille³ et aliunde informati et inducti essent, quod prefatus Johannes dictus Ko^vfman et Eber. frater suus et heredes ipsorum recipere debeant fructus decime crescentes in sex iugeribus agrorum contiguorum in Vtzwille sitis in loco dicto im Loch⁴, quibus ab uno latere hůba C. dicti Stoltzen et a secundo latere agri dictorum Ba^echeler de V^tzwille confinantur, item et in uno iugere agri sito in Witzlislo⁵ in Walterschlag⁶, cui ab uno latere curia domini Cůnr. dicti Schenken⁷ militis et a secundo latere agri . . dictorum Ba^echeler de V^tzwille adiacent et confinantur, super quorum agrorum decima inter partes predictas vertebatur^a) lis seu questio, et quod decima predictorum septem iugerum agrorum ad decimam laycalem predictorum Johannis dicti Ko^vfman et Eberh. fratris sui, quam habent in V^tzwille, pertinere et spectare debeat, et predictus V^olr. in der Búnde et Johannes filius suus predictus promiserunt nomine quo supra pro se et heredibus et successoribus suis, prescriptos Johannem Ko^vfman et Eber. fratrem suum vel heredes ipsorum in decima seu fructibus decime predictorum agrorum numquam impedire vel quovismodo molestare vel perturbare sive impetere directe vel indirecte, et renunciaverunt omni iuris auxilio canonici et civilis, quibus iuvari facere vel venire possent contra ea, que in presentibus litteris continentur, in toto vel in parte adhibitis etiam in premissis verborum et gestuum sollempnitatibus debitis et consuetis. Et in premissorum omnium et singulorum testimonium sigillum curie nostre Const(anciensis) ad peticionem predicti V^olr. patroni et Johannis rectoris dicte ecclesie in Henno^vwe unâ cum sigillis ipsorum propriis duximus presentibus litteris appendendum. Quibus et nos V^olr. in der Búnde et Johannes in der Búnde predicti ad maiorem certitudinem et cautelam recognoscentes premissa omnia et singula per nos modo premisso esse facta nos et heredes ac successores nostros ad ratihabicionem omnium premissorum firmiter astringentes sigilla nostra propria unâ cum sigillo prelibati domini . . officialis curie Const(anciensis) eciam apposuimus in testimonium omnium premissorum. Datum Const(ancie) anno et die quibus supra, ind. VI^a.

Source Fulltext: Chartularium Sangallense VII, Nr. 4307, S. 197-198.