Wir Ludowig von gotes gnaden Romischer keyser ze allen ziten merer dez richs || veriehen offenlichen an disem brief, daz wir dem vesten manne Vlr. von Ku^enigesecke^a)1 vnserm lieben || getriwen vmb sin dienst schuldig worden sin vier vnd zwainzig march silbers, vnd versetzet im || vnd sinen erben dar vmb den hof ze Perge² mit allem dem vnd dar zvˆ gehôrt, mit lúten vnd mit gût oder swie ez genant si, also, daz er in inne haben vnd niezzen sol mit allen nu^etzen, rehten, êren vnd zvˆgehôrden, als lange, biz wir oder vnser nahkomen an dem riche den selben hof von in erlo^esen vmbe die vorgenanten vier vnd zwainzig march silbers, vnd wellen nicht, daz in iemand dar an irre, bi vnsern hulden. Vnd dar vber ze vrchúnde geben wir ime disen brief mit vnserm keyserlichem insigel versigelten. Der geben ist ze Vberlingen³ an suntag vor Viti, da man zalt von Christes geburt driuzehen hundert iar, dar nah in dem vier vnd dreizzigestim iar, in dem zwainzigestim iar vnsers richs vnd in dem sibenten dez keysertûmes.

Source Fulltext: Chartularium Sangallense VI, Nr. 3554, S. 192.