Ich^a) Jacob Růpreht, den man nemmet der Lo^ew, statamman ze sant Gallen¹ tůn kunt vnd vergich offenlich mit disem || brieue allen, die in sehent lesent oder ho^erent lesen, daz fúr mich kament ze sant Gallen an dem na^ehsten donstag vor || sant Hylarien tag nach wihenna^ehten, do ich offenlich ze geriht saz, die beschaiden kneht Wetzzel vnd Johans genant || von Ramso^vw² gebrůder vnd nament ze fúrsprechen Johansen Widmer burger ze sant Gallen, der offenot an iro stat vnd von ir baider wegen offenlich vor mir an gemainem geriht vnd sprach, daz sv´ baid mit ainberem willen vnd mit gůter vorbetrahtung die aigenschaft vnd a^ellú dv´ reht, die sv´ hettint ald hie nach iemer gehaben oder gewinnen mo^ehtint zv^o dem vnd an dem hof, den man nemmet Ramso^vw, der ainhalb stôsset an dez Zellers³ múli vnd anderthalb an Rosenburg⁴, der iro lehen gewesen wa^er von dem ersamen Růdolf von Roschach⁵ dem eltern, mit hus mit hof mit akkern mit wisen mit wasen mit zwi mit holtz mit veld mit wunn mit waiden mit stegen mit wegen mit stok mit stain mit wasser mit wasser flússen vnd gengen mit allen rehten nútzzen vnd gewonhaiten vnd mit allem dem, so von reht ald von gewonhait darzů vnd darin geho^ert, ez sie genemptz oder vngenemptz gesůchtz oder vngesůchtz wissentz oder vnwissentz, redlich vnd reht aines iemer werenden sta^eten êwigen ko^vffes verko^vft vnd ze ko^vffenn geben hettint dem vorgenanten Růdolf von Roschach vnd sinen erben, ob er enwa^er, vmb drissig phunt zehen schilling phenning minder gůter vnd gena^emer múnse, der sv gantzlich von im gewert wa^erint vnd enphangen hettint vnd an iren offenn nutz bewendet, vnd batent mich eruarn an ainer vrtail, wie sv´ im die selben aigenschaft vnd a^ellú irú reht, die sv´ hattent an dem vorgenemten hof ze Ramso^vw, vertgen vnd zv^o sinen handen bringen so^eltint vnd mo^ehtint, alz reht wa^er vnd daz ez kraft hett vnd haben mo^eht nv vnd o^vch hie nach. Daz tet ich vnd ward ertailt mit gemainer vrtail, daz sv´ die selben aigenschaft vnd a^ellú irú reht dez vorgeschribenen hofes ze Ramso^vw vf senden so^eltint zv^o dez egenemten Růdolfs von Roschach handen vnd daz ez danne also wol kraft vnd maht hetti nach dem rehten. Also santent sv´ die selben aigenschaft dez vorgeschribenen hofes ze Ramso^vw mit allen den rehten, die sv´ daran ald darzů hattent ald haben mohtent, willeklich vnd frilich reht vnd redlich vf zv^o dez vorgenanten Růdolfs von Roschach handen bi Eglolf von Roschach⁶ dez selben Růdolfs brůder, alz reht waz vnd alz o^vch mit gemainer vrtail ertailt waz, vnd verzigent sich o^vch do die vorgenemten Wetzzel vnd Johans von Ramso^vw gebrůder offenlich vor mir vnd dem geriht vnd verzihent sich mit disem brieue gantzlich vnd gar fúr sich vnd fúr alle iro erben dez vorgeschribenen hofes ze Ramso^vw mit aller zv^o geho^erde aller aigenschaft aller lehenschaft aller kuntschaft aller gewêr lút vnd brief alles gaistlichen vnd weltlichen rehtes aller vordrung vnd ansprachen aller reht vnd rehtung, so sv´ oder iro erben an dem zv^o dem ald von dez vorgeschribenen hofes wegen ze Ramso^vw vnd waz darzů geho^ert ie gehept hant ald hie nach iemer gehaben oder gewinnen mo^ehtint. Die vorgenemten Wetzzel vnd Johans von Ramso^vw gebrůder lobtent o^vch mit iren trúwen vnd lobent mit disem brieue fúr sich vnd alle iro erben, dez vorgeschribenen hofes ze Ramso^vw vnd waz darzů geho^ert, vnd dez ko^vffes reht wer ze sinne nach dez landes reht vnd o^vch den vorgenanten Růdolf von Roschach vnd sin erben darumb ze versprechenn vnd ze versta^enne an allen stetten gen aller ma^englichem ân allen iren schaden, wenn wâ vnd wie dik sv´ darumb an gesprochen geschadgot oder vf getriben werdent mit dem rehten. Vnd ze vrkúnd der warhait aller der vorgeschribenen dinge vnd vergiht so han ich Jacob Růpreht amman da vorgenemt von dez gerihtes wegen min insigel offenlich gehenkt an disen brief, won ez o^vch mit gemainer vrtail ertailt ward, daz ich ez tůn so^elt. Darnach veriehent wir die vorgenemten Wetzzel vnd Johans von Ramso^vw gebrůder vnd Johans Widmer fúrsprech in der vorgeschribenen sache ainer gantzzer wârhait aller der dinge, so von v´ns an disem brief da vorgeschriben stant, vnd ze merer sicherhait der selben dinge so han ich Johans Widmer da vorgenemt o^vch min insigel gehenkt an disen brief mir vnd allen minen erben gantzlich vnscha^edlich, vnder daz selb insigel wir die vorgenemten Wetzzel vnd Johans von Ramso^vw gebrůder v´ns willeklich gebunden habent aller der vorgeschribenen dinge, won wir aigener insigel niht habent. Diz beschach vnd ward dirre brief geben ze sant Gallen an dem vorgeschribenen donstag in dem jar, do man zalt von Cristus gebúrt drúzehenhundert jar, ahtzig jâr vnd darnach in dem vierden jâre.

Source Fulltext: Chartularium Sangallense X, Nr. 5991, S. 163-164.