In^a) nomine domini amen. Nos Cůno abbas¹, Johannes de Bnssnang prepositus², Nicolaus de V^ottzzingen thesaurarius³, Fridericus de Zolr⁴ et Hainricus de Gundeluingen⁵ monachi totusque || conventus monasterii sancti Galli ordinis sancti Benedicti sedi appostolice inmediate subiecti Constantiensis dyocesis omnibus Christi fidelibus presentium inspectoribus subscriptorum notitiam cum salute. Ne || res geste oblivionis subiaceant detrimento, scripturarum indiciis debent perpetue et incommutabili memorie commendari. Noverint igitur universi et singuli tam posteri quam presentes, quod nos considerata || et inspecta utilitate nostri monasterii sollempni tractatu prehabito et premisso, qui in rerum ecclesiasticarum permutationibus premittendus est et adhibendus iuxta canonicas sanctiones, recepta proprietate curie Kyenberg⁶ site inter castrum Bichelse⁷ et monasterium Tennikon⁸ dicte Constantiensis dyocesis cum omnibus suis pertinentiis silvis nemoribus pratis pascuis viis inviis cultis et non cultis a venerabilibus viris et in Christo religiosis dominis Walthero abbate ac toto conventu monasterii sancti Johannis in Thurtal⁹ ordinis sancti Benedicti Constantiensis dyocesis memorate eisdem abbati et conventui monasterii antedicti proprietatis titulo pleno iure pertinentis, proprietatem dotis sive curie dominicalis site in Hennberg¹⁰ ad nos abbatem conventum et monasterium sancti Galli prescriptos pleno iure pertinentis, cui annexum est et fuit a tanto tempore, de cuius contrario non extat memoria homini, ius patronatus ecclesie parrochialis in Hennberg cum omni dicte dotis sive curie dominicalis iure iuribus et pertinentiis universis, in quibuscumque consistant, et generaliter cum omnibus suis redditibus proventibus obventionibus agris pratis nemoribus silvis forestis pascuis viis aquis aquarum decursibus conswetudinibus et iuribus aliis quibuscumque eisdem doti et curie annexis vel aliis quomodocumque debitis vel pertinentibus, prescriptis dominis abbati conventui et monasterio sancti Johannis in Turthal et ipsorum successoribus in reconpensam et tytulo permutationis de consensu unanimi et voluntate expressa omnium nostrum pro nobis et nostris successoribus sponte et non coacti omni dolo et fraude ac conventione perenniter relegatis tradidimus tradimus et presentibus damus et transferimus ad eosdem perpetuo pacifice et quiete possidendum. Et volumus, ut dicti domini abbas conventus et monasterium antefati ac ipsorum inposterum successores de cetera inantea libere dicte doti sive curie^b) cum omnibus iuribus et pertinentiis suis universis utantur et fruantur pro sue libito voluntatis, connectentes nos et omnes nostros successores ad ferendum et faciendum sine dolo et fraude dictis dominis abbati conventui et monasterio sancti Johannis in Turthal et ipsorum inposterum successoribus super dote sive curia suprascriptis in omni iudicio ecclesiastico et seculari sive extra plenam et uberam warandiam contra omnes, adhibitis in premissis traditione et translatione verborum ac gestuum sollempnitatibus debitis et conswetis, renuntiantes tam pro nobis quam successoribus nostris et nostro monasterio circa premissa et quidlibet eorundem beneficio restitutionis in integrum omni deceptioni omni exceptioni doli mali actioni iuri conswetudini pacti conditioni et deceptioni gratiis litteris instrumentis privilegiis et concessionibus papalibus et imperialibus litteris et privilegiis quibuscumque a sede appostolica vel aliunde inpetratis et impetrandis et generaliter omnibus aliis exceptionibus defensionibus et adinventionibus et omni alii iuris canonici civilis et municipalis scripti et non scripti et cuiuscumque conswetudins^b) auxilio, mediantibus quibus dicta permutatio contractus et translatio ac omnia, que premissa sunt, in toto vel in parte possent infringi inpediri vel aliqualiter violari seu per que contra premissa in toto vel in parte facere vel venire possemus nunc vel inposterum directe vel indirecte seu aliter qualitercumque, et specialiter iuri dicenti generalem renuntiationem non valere, nisi precesserit specialis. In quorum omnium et singulorum premissorum testimonium evidens atque robur nos Cůno abbas et conventus prescripti sigilla nostra presentibus duximus et fecimus appendi. Datum et actum apud sanctum Gallum in monasterio nostro prescripto, decima die mensis maii, anno a nativitate domini millesimo trecentesimo octuagesimo tertio, indictione sexta.

Source Fulltext: Chartularium Sangallense X, Nr. 5953, S. 124-125.