Hainricus dei gracia episcopus Contanciensis¹ omnibus presencium inspectoribus et ad quos presentes nostre littere pervenerint subscriptorum noticiam || cum salute. Sane licet nos dudum de consensu capituli ecclesie nostre Constanciensis ecclesiam parrochialem in Marpach² et ipsius || filiam in Altstetten³ de patronatu monasterii sancti Galli ordinis sancti Benedicti nostre dyocesis existentem, etiam de consensu rectoris || ipsius ecclesie ipsi monasterio sancti Galli et ipsius monasterii mense cum omnibus suis iuribus et pertinenciis universis ex certis et rationabilibus causis incorporaverimus et unierimus⁴, verum tamen post dictas incorporacionem et unionem per nos de consensu nostri capituli factas rector ipsius parrochialis ecclesie in Marpach, de cuius etiam consensu premisse unio et incorporacio per nos facte fuerunt, in nostra presencia constitutus asserens, ut cum ipse nimis esset senio pregravatus, cum septuagenarius esset, et ultra ac propter senium et debilitatem ipsius inantea subditis ipsius ecclesie in Marpach in divinis officiis et ecclesiasticis sacramentis ministrandis providere non posset nec etiam administracioni eiusdem ecclesie in temporalibus preesse, cum propter potenciam et tyrannidem nobilium et potentum et aliorum perversorum in illis partibus degencium idem rector res ipsius ecclesie temporales defensare ammodo non possit, nobis humiliter supplicans, ut administracionem spiritualium et temporalium eiusdem ecclesie sue in Marpach et filie sue predicte venerabili et religioso in Christo domino abbati monasterii sancti Galli⁵ predicti, cuius etiam mense ipsa ecclesia cum omnibus suis iuribus et pertinenciis universis de consensu suo incorporata existit, sustentacione eidem rectori de fructibus ipsius ecclesie congrue reservata, committere ac etiam cessionem administracionis ecclesie in Marpach predicte, quantum in eo fuit et est, recipere dignaremur. Nos igitur Hainr. episcopus Constanciensis predictus sufficienti informacione super premissis videlicet senio et debilitate ipsius rectoris recepta et etiam nos ipse eodem rectore in presencia nostra constituto cognovimus ipsum rectorem propter senium et debilitatem suam, cum septuagenarius verisimiliter appareret, inantea administracioni spiritualium et temporalium ipsius ecclesie preesse non posse nec subditis ipsius ecclesie in divinis officiis et ecclesiasticis sacramentis providere, cessione etiam administracionis dicte ecclesie in Marpach per nos ab ipso rectore, quantum in nobis fuit, recepta, idcirco ne subditi ipsius ecclesie in divinis officiis et ecclesiasticis sacramentis nec ipsa ecclesia in Marpach rerum temporalium dispendium patiantur, ipsum rectorem ex causis predictis ab administracione ipsius ecclesie removimus et presentibus removemus et ipsius ecclesie administracionem spiritualium et temporalium ac etiam curam animarum et regimen subditorum ipsius ecclesie venerabili et religioso in Christo domino . . abbati monasterii sancti Galli predicti, cui etiam dicta ecclesia, ut premittitur, existit et est incorporata, a peticionem prefati rectoris nomine dicti sui monasterii et propter alias causas superius expressas commisimus et committimus per presentes, et ut ipse dominus abbas eiusdem ecclesie in Marpach tamquam is, cuius interest, administracionem spiritualium et temporalium gerat et subditis ipsius ecclesie per perpetuum vicarium in divinis officiis et ecclesiasticis sacramentis provideat, dantes etiam et concedentes prefato domino abbati monasterii sancti Galli plenam et liberam potestatem auctoritate nostra ordinaria possessionem administracionis rerum temporalium intrandi capiendi ac ipsius ecclesie fructus temporales colligendi tollendi et levandi, sustentacione prefato rectore^a) congrue ac institucione vicarii perpetui ad eandem ecclesiam nobis et ecclesie nostre Constanciensi reservatis. In quorum omnium testimonium sigillum nostrum episcopale duximus presentibus appendendum. Datum Constancie, anno domini millesimo trecentesimo sexagesimo, XIII kln. februarii, ind. XIII^ma.

Source Fulltext: Chartularium Sangallense VII, Nr. 4660, S. 483-485.