Wir Herman von gotes vnd des stůls gnaden ze Rome besta^eter abt des gotzhus || ze sant Gallen¹ kúndin vnd veriehin offenlich an dissem brieue allen den, die in ansehent || lessent oder ho^erent lessen, das fúr vns kam Iacop Va^etterli ain burger ze Villinen² || vnd bat vns vf nemen den zehenden allen, der in den hoff ze Hegú bi Wasserburg³ ho^eret, vnd zwai phunt geltes Costentzer múnse, die och in den selben hoff ho^erent, dv´ baidv´ zehenden vnd dú zwai phunt geltes ver zeihe sich der selbe Iacop Va^etterli in vnser hant vnd bat vns si fúro lihen, den selben zehenden vnd dú zwai phunt geltes habint wir dem ersammen mann Wilhelm von Brahsperg⁴ vnd allen sinan erben mit allem reht vnd gewonhait, so dar zů geho^ert, ze rehttem lehen gelihen mit sellicher beschaidenhait, das er ald sin erben vns ald vnsserm capittel ze sant Gallen ia^ergelich ainn stof wins vnssers messe nach vnssere gewonhait vnverzogenlich geben vnd vss rihtten sol anne geua^erde. Vnd ze ainem warum^a) vrkv´nd disser vorgeschriben dinge henken wir vnsser insigel an dissen brieff. Der geben wart ze Wille⁵ in der stat, do man zalt von gottes geburt drúzenhund[er]t^b) iare, dar nah in dem a^eht vnd drissegosten iare, an dem na^ehsten samtag^a) vor sant [M]ichahels^b) tag.

Source Fulltext: Chartularium Sangallense VI, Nr. 3693, S. 283-284.