In nomine patris et filii et spiritus sancti amen. Nos Rv^odolfus et V^ol. fratres carnales et comites de Monteforti¹ universis || tam presentibus quam futuris, quibus hoc scriptum exhibitum seu ostensum fuerit, totius prosperitatis successum || cum notitia rei subscripte^a). Scire cupimus vestram universitatem, quod nos ad petitionem reve rendi in Christo V^ol. || abbatis monasterii sancti Johannis in Tvrtal² et propter salutem animarum nostrarum et nostrorum parentum sana mente non coacti cum omni iure contulimus sancto Johanni et suo predicto monasterio totique eiusdem loci conventui quoddam prati spacium in Maridervn³, quod a decem viris una die meti potest, perpetualiter possidendum et sine omnis vexationis molestamine eternaliter habendum. Ut autem predicta donatio maioris firmitatis robur obtineat et futuris calumpniis occurratur et incomodis, litteras nostri sigilli munimine fecimus corroborari. Actum in castro Montisfortis⁴, anno domini M°.CC°.LXI°. indict. IIII^a. in festo Agnetis. Testes, qui interfuerunt, sunt hii: Cv^onradus monachus sancti Johannis, Rv^odolfus rector ecclesie in Kalkerrun⁵, Cv^onradus vicarius in Tv^orringin⁶, Albertus notarius dictus Stultus, Cv^ono miles dictus de Santeinis⁷, Albertus miles dictus Kargeli, Willehelmus de Steina⁸, Hermannus de Monteforti⁹, V^ol. cellerarius, Rv^odolfus hostiarius in Monteforti et alii quam plures.

Source Fulltext: Chartularium Sangallense III, Nr. 1654, S. 477-478.